CIVIKA MOBILITAS I PROMOVOI 27 GRANTISTËT E PARË
Civika mobilitas, më 9 korrik 2019, në h. Arka në Shkup, i promovoi grantistët e parë të veprimit dhe institucional. Ambasadorja e Zvicrës, ekselenca e saj Sibil Suter Tejada ua dorëzoi grantistëve certifikatat.
Ajo porositi se ata janë bërthama e programit, pasi që janë aktorët kryesor të cilët krijojnë dhe kontribuojnë për ndryshimet në shoqëri.
Gjithsej 12 organizata fituan grante të veprimit të dedikuara për mbështetje të organizatave qytetare të cilat dëshirojnë t’i promovojnë kauzat dhe aktivitetet e tyre me buxhet të përgjithshëm prej pothuaj 21 milionë denarë. Aktivitetet e planifikuara të cilat do t’i zbatojnë janë në sektorët e shëndetit dhe mbrojtjes shëndetësore, demokracisë, informatave dhe komunikimeve, personat me aftësi të kufizuara, mjedisi jetësor, të drejtat e njeriut, sundimi i të drejtës dhe çështjet gjinore.
Në këtë eveniment u promovuan edhe 15 grantistët e ri institucional, buxheti i të cilëve kap vlerën mbi 66 milionë denarë. Këto organizata janë aktive në fushën e informatave, komunikimit dhe mediave; të drejtat e njeriut; zhvillimi i shoqërisë civile; sundimi i të drejtës; anti-korrupsioni; LGBTI; udhëheqja e mirë; mjedisi jetësor; dhe fëmijët, të rinjtë dhe studentët.
Organizatat fituese janë nga regjioni i Shkupit, i Vardarit, Pollogut, Lindor, Verilindor dhe Jugperëndimor.
Mbështetja e re për organizatat qytetare dhe aktorët tjerë të shoqërisë civile përmes programit Civika mobilitas të Agjencisë Zvicerane për Zhvillim dhe Bashkëpunim (SDC) filloi në janar të vitit 2019 dhe do të zgjatë deri në dhjetor 2022. Buxheti i programit është rreth gjashtë milionë franga zvicerane.
