SHOQATA PËR REHABILITIM DHE INKLUZION TË PERSONAVE ME SINDROMIN E DAUNIT “QENDRA DITORE DOZË FAT” SHKUP
Buxheti i përgjithshëm: 310.000 denarë
Kohëzgjatja: 1.12.2019 – 30.9.2020
KONSTITUENTËT
Shfrytëzuesit e Qendrës ditore për sindromin e Daunit
RRETH PROJEKTIT TË MBËSHTETUR NGA CIVIKA MOBILITAS
Tranzicioni drejt jetës së pavarur të fëmijëve me sindromin e Daunit
PSE ËSHTË I NEVOJSHËM AKSIONI
Personat me sindromin e Daunit, si një nga komunitetet të cilat jetojnë në margjinat e shoqërisë, meritojnë të fitojnë mundësi që t’i gëzojnë të drejtat e tyre, ta ndjejnë dinjitetin dhe të përfshihen në komunitetin e shoqërisë. Nga ana tjetër, pa minimum resurse materiale, të mirave fizike dhe shoqërore, është e pamundur të gëzohen të drejtat e njeriut, politike, ekonomike, shoqërore dhe kulturore. Nga ana tjetër, me rëndësi të veçantë është që këto fëmijë/persona të fitojnë trajtim individual, pasi që në këtë mënyrë e fitojnë mbështetjen adekuate në pëlqim me mundësitë, aftësitë dhe nevojat individuale.
OBJEKTIVAT DHE REZULTATET
Objektivi i përgjithshëm: Aftësimi i fëmijëve me sindromin e Daunit për kryerjen e obligimeve të tyre të përditshme.
Objektivat specifike:
- Fitimi i shprehive për ruajtjen e rendit dhe higjienës në shtëpi;
- Mbështetja e furnizimit të produkteve ushqimore dhe përgatitja e ushqimeve tradicionale;
- Përmirësimi i gjendjes psikofizike përmes ushtrimeve aktive të vazhdueshme.
REZULTATET
- Përmirësimi i aftësive për artikulimin e të folurit;
- Fitimi i shprehive për higjienë personale;
- Përgatitja e ushqimit elementar;
- Komunikimi dhe koordinimi i aktiviteteve;
- Koordinimi në mikro dhe makro hapësirë, motoriku bazik dhe manipulimi me objekte.
AKTIVITETET
- Puna me logoped për gjuhën maqedonase dhe shqipe, përmes ushtrimeve të shpeshta individuale dhe grupore;
- Fitimi dhe përmirësimi i shprehive për higjienë personale;
- Prezantimi i procesit të përgatitjes së ushqimit elementar, vullnetarë në Qendrën ditore, me interaksion të vazhdueshëm me fëmijët;
- Ushtrime individuale dhe grupore në pëlqim me nevojën e shfrytëzuesit për koordinimin hapësinor.