Civica Mobilitas është një program për mbështetjen e shoqërisë civile, faza e fundit e të cilit filloi të zbatohet më 1 prill 2023 dhe do të zgjasë deri më 31 dhjetor 2026.
Qëllimi i përgjithshëm
Ndryshimet shoqërore në Maqedoninë e Veriut udhëhiqen nga një sektor i fortë civil, qytetarë aktivë dhe bashkëpunim i mirë me autoritetet, që rezulton në një hapësirë të zgjeruar civile, organizata më të qëndrueshme të shoqërisë civile që çojnë në qeverisje më transparente, të përgjegjshme dhe socialisht gjithëpërfshirëse në nivel kombëtar dhe lokal.
Rezultatet
Kjo fazë e Civica Mobilitas parashikon tre rezultate:
- Angazhim i rritur qytetar dhe besim në shoqërinë civile përmes anëtarëve të informuar dhe aktivë të OSHC-ve të përfshirë në iniciativa të përbashkëta qytetare.
- Hartimi i politikave dhe vendimmarrja përfitojnë nga një shoqëri civile e forcuar dhe pjesëmarrje e rritur qytetare.
- Mjedisi për zhvillimin e shoqërisë civile është përmirësuar veçanërisht në fushën e diversifikimit të financimit (publik dhe privat) për shoqërinë civile.
Grupi i synuar
Faza e fundit e Civica Mobilitas (2023-2026) do të punojë me këto grupe të synuara:
• Organizatat e shoqërisë civile (OSHC), të cilat do të financohen dhe mbështeten për të përmirësuar funksionimin e tyre, veçanërisht në bashkëpunim me autoritetet për përmirësimin e mjedisit për zhvillimin e shoqërisë civile, ndërtimin e anëtarësive të forta dhe rritjen e ndikimit të tyre në politikëbërje dhe vendimmarrje.
• Qytetarët, të cilët do të motivohen dhe vendosin të marrin pjesë në iniciativa qytetare dhe të cilët do të forcojnë bashkëpunimin dhe angazhimin e tyre me OSHC-të, duke rritur kështu vetëbesimin për të bërë ndryshime shoqërore dhe për të rritur besimin në OSHC.
• Autoritetet/organet qeveritare, të cilat do të mbështeten për të konsoliduar dhe përmirësuar mjedisin për zhvillimin e shoqërisë civile, veçanërisht përmes rritjes së financimit shtetëror për OSHC-të, zgjerimit të hapësirave ekzistuese dhe sigurimit të hapësirave të reja për shoqërinë civile, dhe për të përmirësuar hapjen dhe përgjegjshmërinë e tyre ndaj OSHC-ve që marrin pjesë në proceset e hartimit të politikave dhe vendimmarrjes.
Aktivitetet
Civica Mobilitas përbëhet nga instrumentet dhe metodat e mëposhtme të punës:
- Grante: Grante partneriteti dhe grante për angazhim qytetar;
- Aktivitete për nxitjen e angazhimit qytetar: takime rrjetëzimi, forume kombëtare, festivale dhe forume tematike
- Platformë për ndarjen e të dhënave digjitale dhe kërkime e zhvillim
Buxheti
Buxheti është 4,448,964 franga zvicerane.
Civica Mobilitas është një projekt i Ambasadës Zvicerane që zbatohet nga Qendra Maqedonase për Bashkëpunim Ndërkombëtar (MCIC), NIRAS nga Danimarka dhe FCG nga Suedia).
Qendra Maqedonase për Bashkëpunim Ndërkombëtar (MCMS)
MCIC është një organizatë civile e themeluar në vitin 1993 që udhëheq dhe nxit ndryshime në Maqedoni dhe më gjerë përmes zgjidhjeve të reja dhe alternative për problemet shoqërore. MCIC ka qenë një aktor i rëndësishëm i shoqërisë civile për 25 vjet, duke udhëhequr programe për zhvillim institucional dhe forcim organizativ, duke përfshirë avokimin për një mjedis mundësues, ndërtimin e kapaciteteve, mbështetjen financiare dhe kërkimin. Përveç kësaj, MCIC vepron edhe në sektorët e përfshirjes dhe kohezionit social, qeverisjes së mirë dhe luftës kundër korrupsionit, si dhe në mbështetje të procesit të integrimit evropian. Që nga viti 1993, MCIC ka zbatuar më shumë se 65 programe me mbi 1,500 projekte të realizuara në këta sektorë. MCIC mori çmimin e SHBA-së dhe BE-së për shoqërinë civile dhe demokracinë në vitin 1998. Për më tepër informata vizitoni: www.mcms.mk
NIRAS
NIRAS është një kompani konsulence daneze me më shumë se 1300 të punësuar, prej të cilëve 280 punojnë në projekte zhvillimi. Duke u bazuar në më shumë se 40 vjet përvojë në mbi 100 vende, NIRAS ofron një gamë të gjerë shërbimesh dhe menaxhim programi, duke përfshirë fusha si qeverisja e mirë, decentralizimi dhe shoqëria civile.
Për më tepër informata vizitoni: www.niras.dk
FCG Zhvillimi Suedez AB (FCG Suedi)
FCG Sweden është një kompani konsulence që është fytyra e re e ORGUT dhe SIPU të mëparshme, dhe është pjesë e rrjetit global të Finnish Consulting Group, me degë në Evropë, Azi, Afrikë dhe Paqësor. Qëllimi i tyre është të kontribuojnë në zhvillimin e një shoqërie ku çdokush ka të drejtë të marrë pjesë, qoftë në reformat e sektorit publik, pylltarinë, menaxhimin e ujërave, zhvillimin e tregut apo zhvillimin e shoqërisë civile.
Për më tepër informata vizitoni: https://www.fcg.fi/en/contact-us/global-offices/fcg-sweden-meet-our-staff/
Agjencia Zvicerane për Zhvillim dhe Bashkëpunim (SDC)
SDC i angazhoi NIRAS nga Danimarka, Qendrën Maqedonase për Bashkëpunim Ndërkombëtar (MCMS) dhe Institutin Suedez për Administratë Publike (SIPU) nga Suedia për zbatimin e Programit për mbështetje të shoqërisë civile “Civika mobilitas, 2014-2018”.
Për më tepër informata vizitoni: www.eda.admin.ch/sdc
Anëtarët vendor, MCMS
- Aleksandar Kërzhallovski, Udhëheqës i ekipit
- Gonce Jakovleska, Koordinatore për informacion dhe komunikim
- Boris Ristovski, Bashkëpunëtor për internet dhe mediat e reja, MCMS
- Darko Dimov, Koordinator i granteve
- Blinera Rexhepi, Bashkëpunëtore për grante
- Natasha Serdareviq, Bashkëpunëtore e projekteve
- Aleksandra Sipkovksa, Bashkëpunëtor i vogël i projekteve
- Karolina Gjurkovska, Bashkëpunëtore e re për informata dhe komunikime
- Millka Bozhinovska – Miova, Kontrolluese e financave
- Borçe Jakimovski, Bashkëpunëtor për administratë dhe financa
Ekipi ndërkombëtar
- Julia Miljeviq Jakobsen dhe Emily Fiti, Menaxhere ndërkombëtare e programit, NIRAS
- Sanne Holind dhe Anna Cecilie Varnild, Menaxhere ndërkombëtare përgjegjëse për sigurimin e cilësisë dhe verifikimin, NIRAS
- Gite Ketner, Kontrolluese ndërkombëtare e financave, NIRAS
- Petrus Theunissen, Backstopper ndërkombëtar – Ekspert i lartë për zhvillimin e shoqërisë civile, NIRAS
- Simon Forrester, Ekspert ndërkombëtar kyç, NIRAS
- Ana Vasilaçe Ekspert kryesor për mentorim, FCG