Civika mobilitas i promovoi 24 grantistët e fundit

Sot, Civika mobilitas (22 dhjetor 2017) në h. Arka në Shkup i promovoi grantëstë e ri të vegjël dhe ad hok. “Sot i ndajmë 24 grantet e fundit në këtë fazë të programit. Në tre vitet e kaluara, ndamë 221 grante për 212 organizata, tetë bursa dhe një grant për punë praktike”, tha në fjalën e tij Aleksandar Kërzhallovski, Lider nacional i ekipit të programit dhe drejtor ekzekutiv i MCMS.

Ambasadorja e Zvicrës në Maqedoni, ekselenca e saj Sibil Suter Tejada ua dorëzoi marrëveshjet grantistëve. “Gjatë dy viteve të fundit pamë ndryshime të mëdha politike dhe shoqërore në vend, gjithsesi një pjesë e madhe e meritave për ata shkon në llogari të shoqërisë civile”, tha ajo dhe shtoi se është e kënaqur që disa grantistë të Civika mobilitas ishin prijës të këtyre proceseve. Ajo potencoi se përfshirja e çdo qytetari, ndryshimet shoqërore dhe politike nuk do të ndodhnin. Ambasadorja Suter Tejada po ashtu informoi se Zvicra do të vazhdojë ta mbështesë shoqërinë civile edhe në katër vitet e ardhshme.

Gjithsej 7 organizata fituan grante të vogla aksionare të dedikuara për mbështetje të organizatave qytetare, të cilat dëshirojnë t’i promovojnë kauzat dhe aktivitetet e tyre me buxhet të përgjithshëm prej mbi 2,7 milionë denarë. Aktivitetet e planifikuara janë orientuar drejt grupeve të margjinalizuara të njerëzve, drejt bujqve, të rinjve në procesin arsimor dhe drejt fuqizimit të vetëdijes të qytetarëve në shfrytëzimin e burimeve të përtëritshme të energjisë.

Në këtë eveniment u promovuan edhe 17 ad hok grantistë buxheti i të cilëve është mbi 5,3 milionë denarë. Këto organizata, përmes aktiviteteve të tyre, në fokus do t’i kenë migrimet, çështjet gjinore, mjetet publike, jurisprudencë dhe të drejtat e njeriut, mjedisin jetësor, decentralizimin dhe pjesëmarrjen e qytetarëve në krijimin e politikave në nivel lokal, personat me handikap etj.

Organizatat fituese janë nga regjioni i Shkupit, Jugperëndimor, i Pellagonisë, Verilindor, Lindor dhe nga ai Juglindor.Organizatat fituese janë nga regjioni i Shkupit, Jugperëndimor, i Pellagonisë, Verilindor, Lindor dhe nga ai Juglindor.

Mbështetja e re për organizatat qytetare dhe aktorët tjerë të shoqërisë civile përmes programit Civika mobilitas të Agjencisë zvicerane për zhvillim dhe bashkëpunim (SDC) filloi në tetor të vitit 2014 dhe do të zgjatë deri në shtator 2018. Buxheti i programit arrin vlerën rreth tetë milionë franga zvicerane.