Për çka flasin kandidatët në zgjedhjet lokale 2025? #6
PËRMBLEDHJË JAVORE #6 [20-26 tetor 2025]
Edhe pas përfundimit të procesit zgjedhor, zgjedhjet vazhduan të diktojnë axhendën mediatike. Edhe pse numri i publikimeve ishte pak më i ulët se në javët paraprake, interesi publik mbeti i lartë. Me më shumë se 4 400 tekste mediatike dhe 560 postime në rrjetet sociale, hapësira mediatike mbeti aktive — por me një ndryshim të dukshëm të tonit: nga mobilizimi parazgjedhor drejt analizës post-zgjedhore, llogaridhënies dhe qeverisjes.
Për çka flasin kandidatët në zgjedhjet lokale?
Vëmendja gradualisht u zhvendos nga gara zgjedhore në çështjet e qeverisjes. Tema si arsimi, vetëqeverisja lokale dhe shërbimet publike përsëri u vendosën në qendër të debatit — por këtë herë me një ton tjetër: jo si premtime, por si pritshmëri nga autoritetet lokale të reja.
Arsimi u konfirmua si aksi më i qëndrueshëm në debat publik, i ndjekur nga diskutime për shëndetin e fëmijëve dhe transformimin digjital të shërbimeve komunale.
Çfarë dallon në këtë periudhë është tranzicioni nga retorika zgjedhore drejt temave të lidhura me llogaridhënie dhe integritet institucionil. Interesi publik për llogaridhënie në menaxhimin e institucioneve publike u rigjallërua, nxitur nga raste që lidhen me keqpërdorim të detyrës dhe korrupsion. Ky ndryshim tregon se qytetarët nuk ndjekin vetëm proceset politike, por presin gjithashtu rezultate konkrete, transparencë dhe llogaridhënie në punën e përditshme të institucioneve.
Në hapësirën mediatike vërehet një ndryshim i shprehur i fokusit — nga mbulimi masiv zgjedhor në analiza më të thella dhe komente për mënyrën se si zbatohen politikat e paralajmëruara. Ndërkohë, rrjetet sociale mbeten një hapësirë për reagime më të shpejta dhe më emocionale ndaj aktualiteteve. Përmbajtjet që flasin për cilësinë e shërbimeve publike, sigurinë e fëmijëve dhe përmirësimet lokale rezultojnë më ndikues në formësimin e perceptimit publik.
Çfarë e ndan vërtet qytetarin?
Në paralel, dinamika e komunikimit në platformat digjitale po ndryshon. Videot e shkurtra dhe mesazhet e menjëhershme vazhdojnë të kenë përgjigjen më të madhe, gjë që tregon se audienca kërkon forma komunikimi të përmbledhura dhe vizualisht tërheqëse. Kjo konfirmon trendin e ridrejtimit të interesit publik drejt përmbajtjeve që janë më emocionale dhe më të lehta për t’u ndarë, në vend të deklaratave klasike politike.
Çfarë ndodh me temat që prekin shoqërinë civile?
Edhe pas përfundimit të raundit të parë të zgjedhjeve, transparenca, llogaridhënia dhe financimi i shoqërisë civile nuk janë në axhendë. Temat e digjitalizimit përmenden, por pothuajse ekskluzivisht si „administratë më e shpejtë” dhe „e-shërbime” — jo si mjete për mbikëqyrje publike, të dhëna të hapura ose monitorim të tenderëve.
Ndërsa çështjet lokale, arsimi, shkollat, qeverisja lokale dhe transporti publik dominojnë, temat si digjitalizimi dhe inovacioni shfaqen vetëm në mënyrë marginale — dhe kur përmenden, pothuajse gjithmonë është në kontekstin e modernizimit të shërbimeve, jo të dhënave të hapura, tenderëve transparentë apo kontrollit qytetar.
Ky hendek është kritik për organizatat e shoqërisë civile: kryetarët e rinj të komunave janë tashmë duke krijuar agjendën e tyre për katër vitet e ardhshme. Pa përfshirjen proaktive të këtyre temave — përmes lidhjes së tyre me raste konkrete të joefikasitetit, korrupsionit ose problemeve mjedisore — ata rrezikojnë të mbesin të marginalizuar gjatë tërë mandatit.
Ku zhvillohet diskutimi?
Analiza e platformave tregon sërish se TikTok është kanali më efektiv për mobilizim — me mesatare 583 ndërveprime për postim, shumë më tepër se Instagram (157) dhe Facebook (106). Politikanët që investuan në format video të shkurtra dhe emocionale arritën shtrirje disproporcionale në krahasim me ata që mbështeteshin në formatet tradicionale.
Edhe pse gjuhë urrejtjeje mbeti në një nivel të moderuar, ajo është ende e pranishme, sidomos në hapësirën online ku dukshmëria është më e madhe. Analizat tregojnë se komentet agresive më shpesh drejtohen ndaj personaliteteve më pak të dukshme ose ndaj atyre që lidhen me tema delikate. Kjo ngre çështjen për nevojën për një qasje më sistematike ndaj moderimit dhe mbrojtjes së diskursit publik nga agresioni dixhital.
Metodologjia
Të dhënat në këtë përmbledhje vijnë nga monitorim gjithëpërfshirës i diskursit publik të realizuar përmes platformës Pikasa Analytics, e cila kombinon ndjekje të automatizuar me analizë të përparuar të përmbajtjeve nga mediat online dhe rrjetet sociale.
Civica Mobilitas është një projekt i Qeverisë së Zvicrës i zbatuar nga MCC Macedonia, NIRAS nga Danimarka dhe FCG Sweden. Mendimet dhe qëndrimet e shprehura në këtë publikim nuk pasqyrojnë qëndrimin e Qeverisë së Zvicrës.
