Organizatat po finalizojnë strategjitë për integritetin
Dymbëdhjetë grantistë të Civica Mobilitas përfunduan punëtoritë e planifikuara “Ishujt e Integritetit”. Gjatë punëtorisë së katërt, që u mbajt më 20 nëntor 2024, ata punuan në planet strategjike dhe të veprimit për integritetin e organizatave të tyre.
Planet e veprimit ishin në thelb zhvillim i strategjive që ata formuluan gjatë punëtorive të mëparshme, të cilat përfshinin tre qëllime kryesore: 1) të kufizohen monopoli dhe diskrecioni në marrjen e vendimeve, 2) të përmirësohet transparenca dhe llogaridhënia, dhe 3) të rriten përfitimet nga puna me integritet dhe të zvogëlohen humbjet për shkak të korrupsionit.
Diskutimet gjatë punëtorisë mundësuan sqarimin e disa dilemave. Për sfidat e tjera, organizatat do të mund të konsultohen me mentorët e tyre. Pas punëtorisë, organizatat do të vazhdojnë bisedat e brendshme për strategjitë dhe aktivitetet e planifikuara dhe do të përgatisin draftin e parë të Planit Strategjik dhe Planit të Veprimit. Këto dokumente do të finalizohen pas komenteve nga mentorët, dhe organizatat do të fillojnë t’i zbatojnë ato nga fillimi i vitit të ardhshëm.
