Të rinjtë nga Tetova do t’i detektojnë dhe raportojnë ndotësit e ambientit jetësor
21 të rinj nga Tetova morën pjesë në trajnimin njëditor për aktivizmin rinor të organizuar nga Qendra për edukim dhe zhvillim (CED). Trajnimi u mbajt më 27.12.2022 në sallën e konferencave të RCSOO Mosha Pijade si pjesë e projektit “Të rinjtë aktiv përmes komunës transparente”. Ai u mundësoi të rinjve t’i përmirësonin aftësitë e tyre në zbulimin dhe raportimin e ndotësve të mjedisit jetësor.
Ideja e trajnimit ishte stimulimi i aktivizmit rinor nga aspekti i mjedisit jetësor. Ftohen të rinjtë që në dy muajt e ardhshëm të zbulojnë ndotësit e mjedisit dhe t’i raportojnë në faqen zyrtare të komunës së Tetovës – Tetovo eko raport ose Е-report. Organizatorët presin që institucionet zyrtare mjedisore të reagojnë ndaj raportimeve.
“Trajnimi na mundësoi që të njihemi më mirë me teknikat e aktivizmit rinor, të jemi më të vetëdijshëm për aspektin mjedisor dhe të jemi qytetarë të ndërgjegjshëm”, theksoi Festina Mustafa, mobilizuese e komunitetit. “Zbulimi dhe raportimi i ndotësve të mundshëm është vërtet i rëndësishëm, jo vetëm për ne, por për të gjithë qytetin. Ndërgjegjësimi për një mjedis të pastër mjedisor duhet të fillojë nga ne”, tha Muhamet Useini, pjesëmarrës në trajnim.
Qendra për edukim dhe zhvillim do të vazhdojë me aktivitetet e saj dhe pas zbulimit të ndotësve pritet që ata të jenë pjesë e ekspozitës dhe të tregojnë publikisht se cilët janë ndotësit kryesorë në Komunën e Tetovës.
Realizimi i trajnimit u mundësua nga projekti “Mbështetje reformave zgjedhore në Maqedoninë e Veriut” i Qeverisë së Zvicrës, i cili zbatohet nga Fondacioni Ndërkombëtar për Sisteme Zgjedhore (IFES), ndërsa grantet administrohen nga Qendra Maqedonase për Bashkëpunim Ndërkombëtar (MCMS).
![[Aggregator] Downloaded image for imported item #42780](https://civicamobilitas.mk/wp-content/uploads/2025/12/plarforma.jpg)
