Takim koordinues me përfaqësuesit e Komunës së Ohrit në kuadër të projektit “Rrjeti Qytetar për Ajër të Pastër në Rajonin Jugperëndimor”

Në kuadër të projektit “Rrjeti Qytetar për Ajër të Pastër në Rajonin Jugperëndimor”, i zbatuar nga Bashkësia e Ekologëve “Natyra” – Strugë, në partneritet me Grupin e vëzhguesve “Mirko Mileski” nga Kërçova, i mbështetur nga Qeveria Zvicerane përmes Civica Mobilitas u zhvillua një takim pune me përfaqësuesit e Komunës së Ohrit.

Takimi u realizua me përfaqësues nga Sektori për Mbrojtjen e Mjedisit dhe Menaxhimin me Mbeturina, si dhe aktorë lokalë të angazhuar në çështjet mjedisore:

• Jasmina T.Momiroska– Udhëheqëse e Departamentit për zona të mbrojtura dhe pjesë të tjera të mbrojtura të natyrës
• Katerina Gusho Trajkoski– Këshilltare
• Syarta Ameti – Bashkëpunëtore e re për ruajtjen e rrallësive natyrore
• Vera Rauçnik – Udhëheqëse e Departamentit për menaxhim me mbeturina
• Ajfer Arif – Këshilltare në Komunën e Ohrit
• Boris Matevski– Kryetar i Qendrës së Gjelbërt Ohër

🎯 Qëllimi i takimit

Gjatë takimit u prezantuan objektivat e projektit, me theks të veçantë në:

• Formimin e Këshillit Rajonal Qytetar për Ajër
• Përfshirjen e shkollave, qytetarëve dhe organizatave lokale në rrjetin e monitorimit të ajrit

Përfaqësuesit e Komunës së Ohrit shprehën gatishmëri për bashkëpunim aktiv dhe mbështetje institucionale në realizimin e aktiviteteve në territorin e komunës.

Ky takim përfaqëson një hap të rëndësishëm drejt ndërtimit të një partneriteti të qëndrueshëm mes sektorit civil dhe pushtetit lokal, me qëllim rritjen e transparencës, përdorimin e të dhënave të hapura dhe përmirësimin e politikave lokale për ajër të pastër. 🌿

Projekti “Rrjeti Qytetar për Ajër të Pastër në Rajonin Jugperëndimor” synon të përmirësojë menaxhimin e cilësisë së ajrit përmes rritjes së pjesëmarrjes qytetare, qasjes në të dhëna të hapura dhe bashkëpunimit me komunat e Strugës, Ohrit, Vevçanit, Dibrës dhe Kërçovës.

Çfarë do të realizojmë?

• Trajnimin e 100 qytetarëve, mësimdhënësve dhe aktivistëve të rinj për monitorim dhe përdorim të të dhënave
• Formimin e Këshillit Rajonal Qytetar për Ajër për dialog të rregullt me komunat

Aktivitetet kryesore

• Fushatë informuese për ngritjen e vetëdijes publike
• Organizimi i trajnimeve dhe forumeve publike
• Hartimi i rekomandimeve për politika lokale për ajër të pastër
• Konferencë rajonale përmbyllëse

Rezultatet e pritshme

• Rrjet funksional rajonal me të dhëna publike dhe transparente
• Qytetarë të fuqizuar për pjesëmarrje aktive
• Dialog i strukturuar ndërmjet qytetarëve dhe komunave
• Rekomandime konkrete për politika për ajër të pastër në të paktën 5 komuna

Projekti krijon një model të shkencës qytetare dhe partneritetit lokal, ku të dhënat shndërrohen në mjet për transparencë, përgjegjësi dhe një të ardhme më të gjelbër për rajonin.

Përmbajtja e këtij publikimi është përgjegjësi e vetme e Bashkësisë së ekologëve “Natyra” dhe në asnjë mënyrë nuk mund të konsiderohet se pasqyron pikëpamjet e Qeverisë Zvicerane, Civika Mobilitas ose organizatave që e zbatojnë atë”

#CHinMK#CivicaMobilitas

Civica MobilitasEmbassy of Switzerland in North Macedonia

Оваа вест изворно е објавена на веб-страната на Здружение на еколози „Натура“