Nevojitet presion më i madh mbi pushtetin lokal për plotësimin e premtimeve parazgjedhore

Qytetarët e komunës së Prilepit janë të gatshëm që me pjesëmarrje aktive politike ta përkujtojnë pushtetin lokal që t’i përmbushë programet dhe projektet e premtuara nga fushata parazgjedhore.

Shoqata për edukim juridik dhe transparencë Stanica P.E.T., më 20.12.2022 (e martë) në hotelin Cristal Palas në Prilep, e organizoi Forumin e dytë në komunitet, në të cilin morën pjesë 25 qytetarë. Aktiviteti u dedikua për të gjithë qytetarët që janë prekur nga problemi i mungesës së ambienteve të kujdesit për fëmijët e moshës parashkollore. Gjatë forumit u diskutuan sfidat me të cilat përballen prindërit për shkak të mungesës së kopshteve në komunë, aktivitetet e premtuara nga pushteti aktual lokal për zgjidhjen e këtij problemi, si dhe nevoja për rritjen e angazhimit qytetar dhe pjesëmarrjes së qytetarëve të interesuar në nxitjen e autoriteteve lokale për të përmbushur premtimin.

Koordinatorja e projektit, Maja Petançeska, e prezantoi gjendjen aktuale në komunë, ku tha se përfundimi i kopshtit në lagjen Toçilla është paraparë me Buxhetin e NJVL Prilep për vitin 2022 me gjithsej 44.497.000,00 denarë. Hapja e kopshtit ishte planifikuar për në shtator të vitit 2022, ndërsa ndërtimi i një kopshti të ri në lagjen Kuzman 2, si dhe ndërrimi i një pjese të ambienteve të shkollës fillore “Koço Racin” nuk ishin përfshirë në buxhetin e vitit 2022, që do të thotë se ata do të presin për një kohë të gjatë.

“Mungesa e objekteve të kopshteve ndikon edhe në punësimin e qytetarëve, të cilët për shkak se fëmijët janë në shtëpi nuk mund të kërkojnë punë dhe kjo do të thotë se u zvogëlohet fuqia financiare”, tha Jeton Ibeski, pjesëmarrës në forum. ”Mungesa e objekteve shkakton edhe mbipopullim në çerdhe, me ç’rast humbet cilësia e shërbimeve dhe e gjithë kjo ndikon në zhvillimin e fëmijëve. Ne shpresonim në atë që ishte premtuar nga vetëqeverisja lokale në fushatën parazgjedhore për vënien në funksion të objekteve të reja për zgjidhjen e këtij problemi, por fatkeqësisht ende nuk ka zgjidhje”, tha Marija Tosheva, pjesëmarrëse në forum.

Shoqata Stacioni P.E.T. i përmblodhi diskutimet e pjesëmarrësve dhe përgatiti konkluzionet dhe rekomandimet të cilat në formë të peticionit do t’i dorëzohen Kryetarit të Komunës dhe Këshillit të Komunës së Prilepit dhe do të nënshkruhet nga të gjithë pjesëmarrësit në forume dhe qytetarët e tjerë të interesuar. Të gjithë janë dakord që pushtetit lokal t’i bëhet më shumë presion për të përmbushur premtimet parazgjedhore.

Realizimi i këtij forumi është mundësuar nga projekti “Mbështetje reformave zgjedhore në Maqedoninë e Veriut” i Qeverisë së Zvicrës, i cili zbatohet nga Fondacioni Ndërkombëtar për Sisteme Zgjedhore (IFES), ndërsa grantet administrohen nga Qendra Maqedonase për Bashkëpunim Ndërkombëtar (MCMS).