Nënshkruhet Memorandum Bashkëpunimi ndërmjet Grupit të Vëzhguesve “Mirko Mileski” – Kërçovë dhe Komunës së Kërçovës në kuadër të projektit për ajër të pastër

Grupi i vëzhguesve ‘’Mirko Mileski’’ – Kërçovë informon publikun se në cilësin e partnerit në kuadër të projektit „Rrjeti Qytetar për Ajër të Pastër në Rajonin Jugperëndimor“, i zbatuar nga Bashkësia e Ekologëve „Natyra“ – Strugë, me mbështetje të Qeverisë së Zvicrës përmes programit Civica Mobilitas,  në ambientet e Komunës së Kërçovës u zhvillua një takim pune me kryetarin e Komunës, gjatë të cilit u nënshkrua Memorandumi i Bashkëpunimit ndërmjet organizatës organizatës sonë dhe Komunës së Kërçovës.

Memorandumi u nënshkrua me Kryetarin e Komunës së Kërçovës, Dr. Aleksandar Jovanovski, duke shënuar një hap të rëndësishëm drejt forcimit të bashkëpunimit institucional në fushën e mbrojtjes së mjedisit dhe përmirësimit të cilësisë së ajrit në territorin e kësaj komune.

Ky projekt ka për qëllim forcimin e bashkëpunimit ndërmjet sektorit civil dhe vetëqeverisjes lokale, si dhe instalimin e gjithsej 30 instrumenteve për matjen e cilësisë së ajrit në pesë komuna të Rajonit Jugperëndimor.

Gjatë takimit u prezantua projekti dhe aktivitetet e planifikuara, me fokus të veçantë në:

• krijimin e një bashkëpunimi të strukturuar me administratën komunale të Kërçovës;
• instalimin dhe funksionalizimin e rrjetit të instrumenteve qytetare për matjen e cilësisë së ajrit;
• përfshirjen aktive të Komunës së Kërçovës në Këshillin Rajonal Qytetar për Ajër, si platformë për dialog të rregullt ndërmjet komunave, qytetarëve dhe organizatave të shoqërisë civile;
• koordinimin e aktiviteteve përmes personave zyrtarë të kontaktit nga vetëqeverisja lokale.

Grupi i vëzhguesve ‘’Mirko Mileski’’- Kërçovë falenderon Kryetarin Dr. Aleksandar Jovanovski dhe administratën e Komunës së Kërçovës për gatishmërinë dhe mbështetjen e dhënë, duke riafirmuar angazhimin e saj për dialog të hapur, përfshirje qytetare dhe veprime konkrete në drejtim të një mjedisi më të shëndetshëm dhe ajri më të pastër për të gjithë qytetarët e Kërçovës.

Projekti “Rrjeti Qytetar për Ajër të Pastër në Rajonin Jugperëndimor” synon të përmirësojë menaxhimin e cilësisë së ajrit përmes rritjes së pjesëmarrjes qytetare, qasjes në të dhëna të hapura dhe bashkëpunimit me komunat e Strugës, Ohrit, Vevçanit, Dibrës dhe Kërçovës.

Çfarë do të realizojmë?

• Vendosjen e të paktën 30 instrumenteve qytetare (Klimerko) për matjen e cilësisë së ajrit, të lidhura me platformën publike www.klimerko.org
• Trajnimin e 100 qytetarëve, mësimdhënësve dhe aktivistëve të rinj për monitorim dhe përdorim të të dhënave
• Formimin e Këshillit Rajonal Qytetar për Ajër për dialog të rregullt me komunat

Aktivitetet kryesore

• Hartëzim dhe përzgjedhje e lokacioneve
• Instalimi dhe lidhja e instrumenteve
• Fushatë informuese për ngritjen e vetëdijes publike
• Organizimi i trajnimeve dhe forumeve publike
• Hartimi i rekomandimeve për politika lokale për ajër të pastër
• Konferencë rajonale përmbyllëse

Rezultatet e pritshme

• Rrjet funksional rajonal me të dhëna publike dhe transparente
• Qytetarë të fuqizuar për pjesëmarrje aktive
• Dialog i strukturuar ndërmjet qytetarëve dhe komunave
• Rekomandime konkrete për politika për ajër të pastër në të paktën 5 komuna

Projekti krijon një model të shkencës qytetare dhe partneritetit lokal, ku të dhënat shndërrohen në mjet për transparencë, përgjegjësi dhe një të ardhme më të gjelbër për rajonin.

Përmbajtja e këtij publikimi është përgjegjësi e vetme e Bashkësisë së ekologëve “Natyra” dhe në asnjë mënyrë nuk mund të konsiderohet se pasqyron pikëpamjet e Qeverisë Zvicerane, Civika Mobilitas ose organizatave që e zbatojnë atë”

Civica Mobilitas Embassy of Switzerland in North Macedonia Извиднички одред “Мирко Милески” / Scout group “Mirko Mileski”

#CHinMK #CivicaMobilitas

Оваа вест изворно е објавена на веб-страната на Здружение на еколози „Натура“