Nënshkruhet Memorandum Bashkëpunimi ndërmjet B.E “Natyra”-Strugë dhe Komunës së Strugës

Bashkësia e Ekologëve “Natyra” informon publikun se ditën e premte, në ambientet e Komuna e Strugës, u zhvillua një takim pune, gjatë të cilit u nënshkrua Memorandumi i Bashkëpunimit ndërmjet organizatës sonë dhe Komunës së Strugës.

Memorandumi u nënshkrua me përfaqësuese të Komunës së Strugës, Shefen e Kabinetit të Kryetarit të Komunës, znj. Shefkie Alasani Dika, duke shënuar një hap të rëndësishëm drejt forcimit të bashkëpunimit institucional në fushën e mbrojtjes së mjedisit dhe përmirësimit të cilësisë së ajrit.

Ky memorandum është pjesë e zbatimit të projektit rajonal “Rrjeti Qytetar për Ajër të Pastër në Rajonin Jugperëndimor”, i mbështetur nga Qeveria Zvicerane përmes Civica Mobilitas, dhe ka për qëllim forcimin e bashkëpunimit ndërmjet sektorit civil dhe vetëqeverisjes lokale, si dhe instalimin e gjithsej 30 instrumenteve për matjen e cilësisë së ajrit në pesë komuna të Rajonit Jugperëndimor.

Gjatë takimit u prezantua projekti dhe aktivitetet e planifikuara, me fokus të veçantë në:

• krijimin e një bashkëpunimi të strukturuar me administratën komunale të Strugës,
• instalimin dhe funksionalizimin e rrjetit të instrumenteve qytetare për matjen e cilësisë së ajrit,
• përfshirjen aktive të Komunës së Strugës në Këshillin Rajonal Qytetar për Ajër, si platformë për dialog të rregullt ndërmjet komunave, qytetarëve dhe organizatave të shoqërisë civile,
• koordinimin e aktiviteteve përmes personave zyrtarë të kontaktit nga vetëqeverisja lokale.

Bashkësia e Ekologëve “Natyra”-Strugë falënderon Komunën e Strugës dhe znj. Shefkie Alasani Dika për bashkëpunimin dhe gatishmërinë për partneritet institucional, duke riafirmuar angazhimin e saj për dialog të hapur, përfshirje qytetare dhe veprime konkrete në drejtim të një mjedisi më të shëndetshëm dhe ajri më të pastër për të gjithë qytetarët e Strugës.

#CHinMK#CivicaMobilitas

Civica MobilitasEmbassy of Switzerland in North MacedoniaИзвиднички одред “Мирко Милески” / Scout group “Mirko Mileski”

Оваа вест изворно е објавена на веб-страната на Здружение на еколози „Натура“