Ndërtojmë besim për interpretimin e historisë
Trajnimi për përpunim kontekstual dhe ndërtim të grupit u mbajt nga 25 deri më 27 gusht, 2020, duke përdorur programin për video-komunikim përmes internetit – ZOOM.
Është ndërtuar grup i mësimdhënësve dhe mësimdhënëseve të lëndës së historisë nga shkollat fillore dhe të mesme që punojnë së bashku në inicim të dialogut për historinë e kohës bashkëkohore.
Në trajnim morën pjesë 16 pjesëmarrës dhe pjesëmarrëse. 15 nga ta janë mësimdhënës dhe mësimdhënëse të historisë në shkolla fillore dhe të mesme nga Shkupi, Manastiri, Gostivari, Kumanova, Prilepi, Kavadarci, Strumica dhe Koçani, ndërsa në grup ishte edhe një historian i punësuar në “Muzeun e Maqedonisë”, që është ish-mësimdhënës.
Gjatë planifikimit të këtij trajnimi, në plan të parë ishte qëllimi i këtij projekti, më saktë njoftimi i grupit të mësimdhënësve dhe mësimdhënëseve të historisë nga grupe të ndryshme etnike që do të diskutoj për të kaluarën tonë me konflikt, derisa kalojnë kohë së bashku, duke ndarë vend për punë dhe aktivitete të lira.
Ashtu, temat që i punuam janë: njoftimi I grupit, komunikimi i padhunshëm dhe perceptimi (fakt apo mendim), konteskti dhe identiteti. Këto tema u përpunuan në bazë ditore përmes punëtorive interaktive, ku pjesëmarrësit dhe pjesëmarrëset kishin mundësi të dëgjojnë njëri tjetrin, dhe të shprehen lirë mendimet e tyre për temat që i përpunuam. Grupi ndërtoi besim mes vete, për çka një pjesëmarrës, për nevojën për një trajnim të tillë, tha se i duhet “për të i rishqyrtuar qëndrimet e mia për këta tema, si dhe për ta zmadhuar diturinë time për ta. Gjithashtu edhe për të ndërtuar partneritete dhe aleanca për ndryshim shoqëror”.
Trajnimi mundësoi hapësirë për kyçje të pjesëmarrësve dhe pjesëmarrëseve, si dhe inicimin e dialogut, që mendojmë se është hyrje e mirë në procesin që vijon me rrethet për dialog.
Ekipi trajnues ishte i përbërë prej Goran Taleskit dhe Emrah Rexhepit nga Aksioni Paqësor, dhe Mire Mlladenovskit nga Asociacionit i mësimdhënësve të historisë në Maqedoni (AMHM).
Trajnimi është pjesë e projektit “Interpretimi i historisë së përbashkët së kohës bashkëkohore” që e zbatojnë Shoqata Aksioni Paqësor dhe Asociacionit i mësimdhënësve të historisë në Maqedoni (AMHM), ndërsa financiarisht përkrahet nga programi CIVIKA Mobilitas dhe nga Ministria federale Gjermane për bashkëpunim ekonomik dhe zhvillim, përmes partnerit të Aksionit Paqësor, Kurve Wustrow.
![[Aggregator] Downloaded image for imported item #42780](https://civicamobilitas.mk/wp-content/uploads/2025/12/plarforma.jpg)
