Ekspertet e ardhshme të sigurisë kibernetike përsosin aftësitë e tyre
Më 13 nëntor 2025, në hapësirat e Qendrës së Inovacionit Innox (Shkup), Fondacioni Metamorfozis organizoi një punëtori me titull “Bazat e sigurisë kibernetike dhe vetëmbrojtjes digjitale” për 35 pjesëmarrëse në kuadër të programit rajonal CybHER!
Punëtoria u organizua në bashkëpunim me Këshillin Britanik, me mbështetjen profesionale të Ljubica Pendaroska Krstevskës, eksperte e sigurisë kibernetike.
Gjatë punëtorisë, përmes shembujve praktikë dhe diskutimeve, pjesëmarrësit u njohën me konceptet themelore të sigurisë kibernetike, me një fokus të veçantë në kornizat ligjore dhe rregullatore, si dhe me llojet më të shpeshta të kërcënimeve digjitale dhe mënyrat për t’i njohur dhe parandaluar ato. Theks i veçantë iu vu njohurive digjitale dhe mbrojtjes së të dhënave personale, ku pjesëmarrëset morën këshilla të dobishme për krijimin e fjalëkalimeve të sigurta, përdorimin e autentifikimit me shumë faktorë dhe sjelljen e sigurt në rrjetet sociale. Punëtoria përfundoi me një ushtrim praktik në grup dhe diskutim, përmes të cilit u bë një përmbledhje e mesazheve dhe rekomandimeve më të rëndësishme për navigim të përgjegjshëm dhe të sigurt në hapësirën digjitale.
Ngjarja u organizua nga Fondacioni Metamorfozis, në kuadër të projektit CybHER, i financuar nga Qeveria e Mbretërisë së Bashkuar dhe i zbatuar nga Këshilli Britanik.
The post Ekspertet e ardhshme të sigurisë kibernetike përsosin aftësitë e tyre first appeared on Metamorphosis.
This post was originally published on this site






![[Aggregator] Downloaded image for imported item #42780](https://civicamobilitas.mk/wp-content/uploads/2025/12/plarforma.jpg)



