B.E “Natyra”- Strugë dhe Komuna e Dibrës nënshkruajnë Memorandum Bashkëpunimi

Bashësie e Ekologëve “Natyra” informon publikun se në datë 14.01.2026, në ambientet e Komunës së Dibrës, u zhvillua një takim pune me Kryetarin e Komunës z.Fisnik Mela, gjatë të cilit takim u nënshkrua Memorandumi i Bashkëpunimit ndërmjet organizatës sonë dhe Komunës së Dibrës.

Ky memorandum është pjesë e zbatimit të projektit rajonal “Rrjeti Qytetar për Ajër të Pastër në Rajonin Jugperëndimor”, i mbështetur nga Qeveria Zvicerane përmes Civica Mobilitas, dhe synon forcimin e bashkëpunimit ndërmjet sektorit civil dhe institucioneve lokale në fushën e mbrojtjes së mjedisit dhe përmirësimit të cilësisë së ajrit si dhe instalimin e gjithsej 30 instrumenteve për matjen e cilësisë së ajrit në pesë komuna të Rajonit Jugperëndimor.

Gjatë takimit u prezantua projekti dhe aktivitetet e planifikuara, me fokus të veçantë në:

• krijimin e një bashkëpunimi të strukturuar me administratat komunale,
• instalimin dhe funksionalizimin e një rrjeti prej 30 instrumentesh qytetare për matjen e cilësisë së ajrit në pesë komuna të rajonit,
• përfshirjen aktive të Komunës së Dibrës në Këshillin Rajonal Qytetar për Ajër, si platformë për dialog të rregullt mes komunave, qytetarëve dhe organizatave të shoqërisë civile,
• koordinimin e aktiviteteve përmes personave zyrtarë të kontaktit nga vetëqeverisja lokale.

Bashkësia e Ekologëve “Natyra” falënderon Komunën e Dibrës dhe në veçanti Kryetarin e Komunës së Dibrës z.Fisnik Mela për bashkëpunimin dhe gatishmërinë për partneritet institucional, duke riafirmuar angazhimin e saj për dialog të hapur, përfshirje qytetare dhe veprime konkrete në drejtim të një mjedisi më të shëndetshëm dhe ajri më të pastër për të gjithë qytetarët.

#CHinMK#CivicaMobilitas

Civica MobilitasEmbassy of Switzerland in North MacedoniaИзвиднички одред “Мирко Милески” / Scout group “Mirko Mileski”

Оваа вест изворно е објавена на веб-страната на Здружение на еколози „Натура“