MBI 20 PYETJE TË PËRGJIGJURA GJATË SESIONIT INFORMATIV PËR GRANTET INSTITUCIONALE
Mbi 560 përfaqësues të organizatave qytetare e ndoqën sesionin informativ për thirrjen për grantet institucionale të Civika mobilitas, ku 450 e ndoqën on-line. Me këto grante do të mbështeten 15 organizata qytetare në tre vitet e ardhshme. Grantet kanë për qëllim fuqizimin organizativ dhe zhvillimin institucional të shoqatave.
Ekipi i Civika mobilitas hollësisht e sqaroi procedurën për aplikim dhe përmbajtjen e aplikacionit. Pjesëmarrësit patën mundësi t’i sqarojnë dilemat e tyre dhe në vend t’i marrin përgjigjet në pyetjet konkrete lidhur me programin dhe thirrjen. Një pjesë e pyetjeve kishte të bëjë me atë se cili tip i aktiviteteve do të kontribuojë për zhvillimin institucional dhe fuqizimin organizativ; nëse aktivitetet e organizatës jashtë shtetit mund të mbështeten me këtë grant; nëse ka kufizime lidhur me financimin e bruto rrogave të punësuarve; a ka lehtësim tatimor për projektin etj.
Të gjitha pyetjet e parashtruara gjatë sesionit informativ do të përgjigjen dhe do të publikohen në е-platformën e Civika mobilitas.
Thirrja për grantet institucionale është hapur nga data 3 maj 2019. Afati për parashtrimin e aplikacioneve është 3 qershor 2019. Për pyetjet lidhur me thirrjen, organizatat mund ta kontaktojnë zyrën e Civika mobilitas deri më 20 maj 2019 në telefonin 02/3065 381 ose në e-postën: helpdesk@civicamobiltas.com
Aktivitetet e propozuara duhet të zgjatin më së shumti 36 muaj. Vlera e granteve do të jetë mes 3.000.000 dhe 4.500.000 denarë, ndërsa shuma e përgjithshme për thirrjen është 67 milionë denarë.
Programi për mbështetje të shoqërisë civile Civika mobilitas është mbështetur nga Agjencia zvicerane për zhvillim dhe bashkëpunim, ndërsa e zbatojnë NIRAS nga Danimarka, Qendra Maqedonase për Bashkëpunim Ndërkombëtar (MCMS) dhe FCG nga Suedia.
