SHOQATA VULLNETARE E ZJARRFIKËSVE SVETI NIKOLE

Buxheti i përgjithshëm: 328.829 denarë

Kohëzgjatja: 01.12.2020 – 30.04.2021 (5 muaj)

KONSTITUENTËT

Baza e konstituentëve të Shoqatës Vullnetare e Zjarrfikësve (SHVZ) janë anëtarët – vullnetarë, fëmijë, të rinj, bashkëpunëtorë, partnerë dhe mbështetës, të cilët me angazhimin e tyre kontribuojnë në uljen e rreziqeve të zjarreve, katastrofave të tjera natyrore (përmbytje, tërmete, erozione, erëra , etj.), aksidentet e trafikut dhe epidemitë. Për këtë qëllim, ndërmerren veprime parandaluese dhe edukative, të realizuara përmes sistemit arsimor, punëtorive, forumeve, fushatave informuese dhe të shpërndara përmes rrjeteve sociale dhe mediave, natyrisht duke ndërmarrë veprime dhe ndërhyrje të drejtpërdrejta për të shpëtuar jetën dhe pronën e popullatës së gjerë.

PËR PROJEKTIN E MBËSHTETUR NGA CIVIKA MOBILITAS

Shoqatat vullnetare të zjarrfikësve, aktorët aktiv shoqëror!!

PSE ËSHTË I NEVOJSHËM AKSIONI

Te të gjithë aktorët relevant shtetëror që mbulojnë çështjen e mbrojtjes nga zjarri dhe shpëtimi, nuk ka informata se sa shoqata ekzistojnë, nuk ka regjistër të shoqatave vullnetare të zjarrfikësve, nuk ka informacion se sa aktive janë ato shoqata, me çfarë kapacitetesh dhe burimesh (njerëzore, materiale-teknike, hapësinore, financiare, etj.) kanë në dispozicion, nuk ka asnjë kanal dhe metodologji të ndërtuar për bashkëpunim dhe rrjetëzim të SHVZ ekzistuese. Të vetmet të dhëna në të cilat mund të kishim qasje deri para disa muajsh janë Shoqata e Zjarrfikësve të Maqedonisë, por fatkeqësisht domeni i tyre http://www.psm.mk nuk funksionon më. Sipas të dhënave të tyre, ekzistojnë 98 shoqata vullnetare të zjarrfikësve aktive në territorin e RMV, të organizuara në 38 Lidhje komunale të zjarrfikësve (LKZ) dhe një numër prej 2600 zjarrfikësve vullnetar aktiv. Sipas të dhënave nga Regjistri Qendror i RMV, janë regjistruar 88 shoqata vullnetare të zjarrfikësve, ndërsa në anën tjetër të dhënat nga Zyra e të Ardhurave Publike të RMV tregojnë se vetëm 28 shoqata vullnetare të zjarrfikësve janë aktive në operacionet e pagesës. Përvoja jonë e gjatë në punën në terren dhe komunikimi me shoqatat përreth nesh, tregon se numri i 28 SHVZ sipas DHP nuk është i besueshëm.

Të inkurajuar nga këto arsye, SHVZ Sveti Nikole përmes kryerjes së hulumtimeve synon të përcaktojë numrin e shoqatave vullnetare të zjarrfikësve aktive dhe të regjistruara në bazë të ligjit ose forma të tjera të shoqërimit të këtyre shoqatave (lidhje, rrjete, koalicione), kapacitetet dhe ekspertizën e tyre në dispozicion (njerëzore, hapësinore, pajisje zjarrfikëse që disponojnë, automjete, financa, etj.), nevojat dhe problemet me të cilat përballen në punën e tyre dhe në cilin drejtim mund të organizohen, rrjetëzohen dhe zhvillohen, për të përmbushur nevojat e popullatës për të cilën ekzistojnë për të rritur nivelin e ndërgjegjësimit dhe kulturës ndaj zjarrit, parandalimin e zjarrit, katastrofa të tjera natyrore, aksidente trafiku, epidemi dhe mbrojtje të natyrës.

QËLLIMET DHE REZULTATET

Qëllimi i përgjithshëm: Kontributi për shoqata vullnetare të zjarrfikësve aktive, të forta, të bashkuara dhe të qëndrueshme në Republikën e Maqedonisë së Veriut. 

Qëllimi/et specifik/e:

• Të hartojë dhe identifikojë kapacitetet dhe nevojat e SHVZ ekzistuese në RMV;
• Të vendoset komunikim dhe koordinim i vazhdueshëm mes SHVZ në nivel ndër komunal, rajonal dhe kombëtar;

REZULTATET

1. Janë hartuar dhe identifikuar shoqatat aktive të zjarrfikësve vullnetar, burimet e tyre, problemet dhe mangësitë në punë;
2. Përmirësimi i qasjes në informacionin bazë dhe qasja deri te shoqatat vullnetare aktive të zjarrfikësve;
3. Është krijuar Rrjeti Kombëtar i SHVZ në Republikën e Maqedonisë së Veriut;

AKTIVITETET

1. Identifikimi i SHVZ ekzistuese në RMV, burimet, nevojat dhe problemet e tyre;
2. Grumbullimi i të dhënave dhe përgatitja e një adresari të shoqatave aktive vullnetare të zjarrfikësve në RMV;
3. Iniciativa për krijimin e një rrjeti kombëtar të SHVZ të R. Maqedonisë së Veriut.

Ueb faqja