SHOQATA PËR AKTIVITETE SOCIALE DHE KULTURORE QENDRA PËR KOMUNIKIME KREATIVE SHKUP
Buxheti i përgjithshëm: 330.000 denarë
Kohëzgjatja: 01.01.2021. – 30.06.2021 (6 muaj)
KONSTITUENTËT
Lidhja Kombëtare e të Verbërve të Republikës së Maqedonisë Veriore, Shoqata e qytetarëve për përfshirje sociale evropiane ESI NELIS, Shoqata e të Verbërve dhe Personave me Shikim të Dëmtuar – Shkup janë shoqata qëllimi kryesor i të cilave është të mbrojnë dhe ofrojnë mbështetje për të verbrit dhe personat me shikim të dëmtuar. Pikërisht në këtë projekt së bashku me ta, shoqata jonë dhe bashkëpunëtorët e tjerë do të ofrojnë një lloj tjetër të mbështetjes për këtë grup të cenueshëm të qytetarëve dhe një qasje që nuk është aplikuar në Maqedoni deri më tani.
PËR PROJEKTIN E MBËSHTETUR NGA CIVIKA MOBILITAS
Mbështetja e të verbërve dhe personave me shikim të dëmtuar
PSE ËSHTË I NEVOJSHËM AKSIONI
Përmbajtjet e vendosura në media përmbajnë shumë pak ose aspak informacione të nevojshme për këtë grup personash me aftësi të kufizuara. Informimi i këtillë është thelbësor për të lehtësuar funksionimin e tyre të përditshëm, siç janë: mungesa e numrave të telefonit të ekipeve mobile të Kryqit të Kuq, numrat për porosi të ushqimit dhe ilaçeve, sigurimi i pajisjeve speciale, aplikacionet mobile për smartphone, etj.
Ky projekt do të jetë mundësia e vetme për t’u dëgjuar vazhdimisht “zëri i tyre në media”!
Dërgimi i mesazheve dhe informacioneve specifike të nevojshme për personat nga kjo kategori e pafavorshme sociale do të rrisë gjithashtu ndërgjegjësimin e publikut për problemet me të cilat përballen këta persona, anëtarët e familjeve të tyre të ngushta, d.m.th. personat që i shoqërojnë.
QËLLIMET DHE REZULTATET
Qëllimi i përgjithshëm: Qëllimi i përgjithshëm i këtij aksioni është ndërgjegjësimi i publikut për problemet dhe sfidat me të cilat ballafaqohen të verbrit dhe personat me shikim të dëmtuar në shoqëri dhe jetën e tyre të përditshme!
Qëllimi/et specifik/e:
- Informimi i të verbërve dhe personave me shikim të dëmtuar;
- Informimi i popullatës së gjerë për të gjitha sfidat me të cilat ballafaqohen të verbrit dhe personat me shikim të dëmtuar në Maqedoni;
- Nxitja e institucioneve dhe pushtetit lokal në përfshirjen e këtij grupi të cenueshëm gjatë vendimmarrjes në nivel lokal ose qendror;
REZULTATET
- Informimi i duhur, në kohë, masiv dhe i rregullt i të verbërve dhe personave me shikim të dëmtuar.
- Rritja e ndërgjegjësimit të publikut për problemet me të cilat përballen personat me aftësi të kufizuara.
- Komunikimi i drejtpërdrejtë i personave me aftësi të kufizuara me personat përgjegjës, vendimet e të cilëve në nivelin shtetëror dhe lokal mund të ndikojnë drejtpërdrejt në lehtësimin e funksionimit ditor të këtij grupi të cenueshëm.
- Mundësia për të shprehur rregullisht dhe publikisht të gjitha problemet me të cilat përballen këta njerëz.
AKTIVITETET
- Në periudhën prej gjashtë muajsh, një herë në javë, në kohëzgjatje prej një ore, do të transmetohet një emision special në radio për të informuar të verbrit dhe personat me shikim të dëmtuar, mbrojtjen e tyre, problemet me të cilat përballen, përparimet teknologjike dhe pajisjet, aplikacionet për përdorim të përditshëm për të lehtësuar lëvizshmërinë e tyre.
- Përveç udhëheqësit të emisionit do të kemi edhe një mysafir të rregullt nga shoqatat që do të flasin nga dora e parë për problemet dhe çështjet e tyre aktuale, si dhe mysafirë nga vetëqeverisja lokale (kryetarë të komunave, kryetarë të këshillave të vetëqeverisjes lokale), ministritë resore, oftalmologë, psikologë, etj.
- Do të transmetohen gjithsej 26 emisione. Për çdo emision do të përgatitet një temë e veçantë, e cila i referohet problemeve me të cilat përballen të verbrit dhe personat me shikim të dëmtuar.
