Qytetarët për ndryshim #8

JANAR-MARSH 2021

Disa gjëra të rëndësishme në fushën e mjedisit mundësues po i ndodhin shoqërisë civile në vend në këtë periudhë. Në fillim të prillit, përfundoi mandati i përbërjes së parë të Këshillit për bashkëpunim me dhe zhvillim të sektorit civil. Kur t’i lexoni këto rreshta, do të fillojë votimi për përbërjen e re, e cila, sipas afateve, pritet të dihet deri në fund të majit të këtij viti. Inkuadroheni dhe votoni për një kandidat në fushën ku punon organizata juaj. Zgjidhni kandidatin që mendoni se do të përfaqësojë interesat tuaja në këtë organ.

Puna e Këshillit ishte subjekt i analizës, rezultatet e së cilës shpresojmë të publikohen. Kjo është e rëndësishme në mënyrë që të objektivizohen vlerësimet e punës së Këshillit dhe të merren parasysh leksionet e marra nga anëtarët e rinj. Gjithashtu është e rëndësishme të shihet Këshilli në tërësi, së bashku me përfaqësuesit e organizatave qytetare dhe organet e administratës shtetërore. Sepse Këshilli është për bashkëpunim. Përbërja në ikje i shqyrtoi rekomandimet e vlerësimit dhe i propozoi Qeverisë të bëjë ndryshime në Vendimin për krijimin e Këshillit. Nëse Qeveria i pranon udhëzimet, Këshilli do të ndryshojë emrin e tij në Këshill për bashkëpunim midis qeverisë dhe shoqërisë civile. Në vend që të iniciojë rregullore të reja ose të ndryshojë rregullat ekzistuese për të avancuar kornizën ligjore dhe institucionale për funksionimin e organizatave, Këshilli do të kufizohet në zbatimin e aktiviteteve të ndërgjegjësimit për të promovuar një kulturë bashkëpunimi dhe partneriteti. Rregullorja e pjesëmarrjes zbutet, kështu që në vend të një mungese të pajustifikuar prej gjashtë muajsh ose dy seancash, propozohet që të jenë tre seanca radhazi, etj.

Përveç kësaj, një risi është regjistrimi në regjistrin e pronarëve të vërtetë të organizatave qytetare. Detyrimi rrjedh nga Ligji për parandalimin e pastrimit të parave dhe financimin e terrorizmit. Detyrimi i regjistrimit duhet të bëhet jo më vonë se 27 Prill i këtij viti. Organizatat qytetare pritet të bëhen aktorë aktivë në këto çështje të rëndësishme për mbrojtjen e shoqërisë civile dhe ndërtimin e një ambienti të përshtatshëm që do t‘i mbrojë ata nga abuzimi, por nuk do të jetë kufizues për punën e tyre.

Versioni përfundimtar i Udhëzimeve të BE-së për shoqërinë civile 2021-2027 pritet të publikohet në fund të prillit. Ne iu referuam shkurtimisht procesit të konsultimit të udhëhequr nga projekti TACSO 3. Ky numër i Qytetarëve për ndryshime sjell përmbajtje interesante të frymëzuar nga puna e organizatave të qytetare. Ne mbuluam një spektër të gjerë temash dhe aktivitetesh që u zbatuan në të gjitha pjesët e vendit. Ne besojmë se në disa prej tyre do të gjeni interesin tuaj personal ose profesional.

Lexim të këndshëm!