“Të mësojmë të jetojmë bashkë përjetësisht është sfidë!“

“Nuk ka gjendje ose problem që nuk mund të tejkalohet ose të zgjidhet nëse ka masë kritike, njerëz të arsyeshëm, e të tillë gjeta në sektorin civil”, tha mes tjerash Liljana Popovska në promovimin e sotëm (19.10.2017) në publikimin e saj “Lidhjet multikulturore në sektorin civil në Republikën e Maqedonisë – ndikimi mbi politikat publike dhe kohezioni social”.

Sipas saj edhe multikulturalizmi dhe sektori civil janë sfida të pazakonta në kohën kur jetojmë. “Disa ngjarje na ndodhin në mënyrë ciklike, e rëndësishme është që t’i parashohim dhe të intervenojmë para se të ndodhin”, shoi ajo.

Sasho Klekovski, si një nga promovuesit, theksoi se numri i autorëve që shkruajnë për shoqërinë civile është i vogël, e kjo është veçanërisht e rëndësishme tani kur i gjithë sektori stigmatizohet. Ai u përqendrua në bashkëpunimin e sektorit civil me institucionet, siç tha, është një sfidë e madhe. “Në shoqërinë tonë është krijuar perceptim se sektori civil është ai që duhet të ofroje shërbime. Në të vërtetë, institucionet janë ato që duhet të ofrojnë, ndërsa sektori civil është këtu që të ofrojë zgjidhje”, tha ai.  Duke u reflektuar në studimin për Lobin maqedonas të gruas, i cili është pjesë e publikimit, Klekovski sugjeroi që kjo përvojë e mirë të replikohet edhe në tema tjera të sektorit, por edhe jahte sektori civil. “Suksesi i LMG ka të bëjë me vlerat edhe atë të atyre që me gjenerata janë kultivuar në këtë shoqëri.”

Në këtë promovim foli edhe deputetja në Kuvendin e RM, Gjylymser Kasapi e cila u ndërlidh ne studimin për LMG dhe rezultatet që janë arritur me aktivitetet e tyre. Promovimin e moderoi Aleksandar Kërzhallovski, drejtor ekzekutiv i Qendrës Maqedonase për Bashkëpunim Ndërkombëtar dhe lider nacional i ekipit të Civika mobilitas.

Publikimi përmban hulumtim i përgatitur në bazë të intervistave me të anketuar relevant, aktiv në rrjete të rëndësishme multikulturore dhe lëvizje dhe studime të rastit për Lobin maqedonas të gruas. Kjo organizatë i bashkoi gratë në luftën për të drejta më të mëdha, duke i tejkaluar dallimet politike, etnike dhe fetare, dhe duke kryer ndikim të fuqishëm mbi politikat publike përmes vendosjes së katër llojeve të kuotave gjinore në ligjet zgjedhore.

Botimi i publikimit është mbështetur përmes Civika mobilitas, projekte të Agjencisë Zvicerane për Zhvillim dhe Bashkëpunim (SDC) që e implementojnë Qendra Maqedonase për Bashkëpunim Ndërkombëtar (MCMS), NIRAS nga Danimarka dhe SIPU nga Suedia.

Продолжи со читање

  • Për çfarë po flasin kandidatët në zgjedhjet lokale 2025? #5

    RISHIKIM JAVOR #5 [13 – 17 tetor 2025] Në javën e fundit para heshtjes zgjedhore, pati rritje të dukshme të aktiviteteve dhe mobilizim të ri në mediat me mbi 3.000 artikuj dhe 240 postime në rrjetet sociale, me një rritje të qartë të angazhimit drejt fundit të javës. Fushata hyri…

  • Ambasadori i ri zviceran e konfirmon angazhimin ndaj shoqërisë civile

    Ekipi i Civika mobilitas më 16 tetor e pati takimin e parë me Ambasadorin e sapoemëruar të Zvicrës në Maqedoninë e Veriut, Sh.T. Kristof Zomer.  “Unë besoj se shoqëria civile është një fushë shumë e rëndësishme në të cilën duhet të përqendrohemi”, theksoi Ambasadori, duke konfirmuar se mbështetja e organizatave…

  • Për çfarë po flasin kandidatët në zgjedhjet lokale 2025? #4

    PËRMBLEDHJE JAVORE #4 [6 – 12 TETOR 2025] Analiza e postimeve në media dhe rrjetet sociale gjatë javës së kaluar konfirmon se fushata po merr vrull, me fokusin gjithnjë e më shumë në zgjidhje konkrete lokale që ndikojnë drejtpërdrejt në jetën e përditshme të qytetarëve. Diskutimet janë intensive në rrjetet…

  • Për çfarë po flasin kandidatët në zgjedhjet lokale? #3

    PËRMBLEDHJE JAVORE #3 [29 SHTATOR – 5 TETOR 2025] Një analizë e diskursit publik gjatë javës së kaluar zbulon se fushata është tërësisht e përqendruar në çështjet e përditshme që ndikojnë drejtpërdrejt në jetën e qytetarëve. Shumica e bisedave zhvillohen në mediat sociale, ku dominojnë premtimet konkrete për përmirësimin e…