Metoda të reja për vetë-mbështetje të organizatave qytetare

Qasja inovative për qëndrueshmëri të organizatave qytetare (OQ) ishte tema e një workshop-i dyditor të Civica Mobilitas (CM), që u mbajt në Mavrovë më 28 dhe 29 nëntor 2022. Workshop-in e udhëhoqën ekspertë ndërkombëtarë dhe lokalë, të drejtuar nga Simon Forrester, ekspert kryesor ndërkombëtar i CM dhe Nathan Koeshel, drejtor i Catalyst Balkan.

Njëzet përfaqësues nga grantistët e CM morën njohuri teorike dhe praktike në lidhje me mënyrat inovative për gjenerimin e fondeve dhe qëndrueshmërinë e OQ.

Në workshop u diskutuan modelet dhe shembujt për gjenerimin e fondeve që çojnë drejt OQ më të qëndrueshme. Pjesë e programit ishin modelet për donacione, modeli peer-to-peer, modeli i anëtarësisë, crowdfunding, etj. Përmes punës në grupe, pjesëmarrësit patën mundësinë të njihen me modelin Canvas, një model që përdoret për planifikimin gjithëpërfshirës të partnerëve kryesorë, burimeve, aktiviteteve, lidhjeve, etj., për një qasje më të organizuar për gjenerimin e fondeve.

Pjesëmarrësit shprehën interes për aplikimin e disa prej mënyrave të reja për gjenerimin e fondeve. Ata theksuan se është shumë e rëndësishme që OQ-të të kushtojnë vëmendje ndaj kësaj teme për të kapërcyer kornizat tradicionale për gjenerimin e fondeve. Përveç interesit të madh për workshop-in, pjesëmarrësit theksuan se në të ardhmen do të nevojiten më shpesh të tilla workshop-e dhe trajnime për një mësim më cilësor, i cili do të mund të aplikohet më lehtë në funksionimin e përditshëm të organizatave të tyre.

Workshop-i “Qasja inovative për qëndrueshmërinë e organizatave qytetare” është pjesë e Programit për Mësim të Civica Mobilitas.