Shoqata e Gazetarëve të Maqedonisë (SHGM)

Buxheti total: 3,240,057 MKD

Periudha e zbatimit: 01.01.2026 – 31.10.2026 (10 muaj)

Tema specifike: Lufta kundër korrupsionit dhe gazetaria hulumtuese

Partnerë:

Instituti Maqedonas për Media (IMM)

Përbërësit:

Gazetarë dhe redaktorë nga media lokale, private dhe kombëtare

Gazetarë dhe redaktorë nga Radio Televizioni i Maqedonisë (RTM)

Profesionistë të medias dhe organizata mediatike

Qytetarë si përdorues të përmbajtjeve mediatike

Për projektin e mbështetur nga Civica Mobilitas: Forcimi i standardeve etike për besim më të madh në media

PËRSHKRIMI I VEPRIMIT

Veprimi përfshin një proces gjithëpërfshirës të rishikimit dhe miratimit të Kodit të ri Etik të gazetarëve të Maqedonisë, përkthimin e tij, shtypjen dhe shpërndarjen e gjerë në media. Përveç kësaj, zbatohet një fushatë kombëtare mediatike me përmbajtje video për ngritjen e vetëdijes publike për rëndësinë e gazetarisë etike. Projekti përfshin gjithashtu aktivitete edukative përmes trajnimeve për gazetarë nga mediat lokale dhe për gazetarë dhe redaktorë nga RTM, si dhe përgatitjen e një studimi analitik me rekomandime për përmirësimin e standardeve etike në shërbimin publik.

QËLLIMET DHE REZULTATET

Qëllimi i përgjithshëm:
Të nxitet qeverisje lokale e përgjegjshme dhe gjithëpërfshirëse përmes zhvillimit dhe aplikimit të një mjeti AI që do t’u mundësojë të rinjve të marrin pjesë aktive në vendimmarrje në Krushevë, Kumanovë dhe Tetovë.

Qëllimet specifike:

Rishikimi dhe promovimi i Kodit të ri Etik të gazetarëve, i pranuar nga organizatat dhe profesionistët mediatikë
Rritja e vetëdijes publike për nevojën e gazetarisë etike dhe të pavarur përmes një fushate mediatike
Forcimi i kapaciteteve profesionale të gazetarëve (përfshirë edhe kapacitetet institucionale të RTM) për respektimin e standardeve etike dhe pavarësisë

REZULTATET

I zhvilluar dhe i validuar Kodi i ri i Etikës
Kodi është pranuar nga organizatat dhe profesionistët mediatikë (zbatim më i gjerë i Kodit në media)
E zhvilluar dhe e publikuar fushatë mediatike (përfshirë produkte video) për promovimin e standardeve etike
I organizuar një event publik promovues për njohjen e qytetarëve me Kodin dhe standardet mediatike
Të organizuara dy trajnime dyditore për gazetari etike – një për media lokale/private dhe një për gazetarë dhe redaktorë nga RTM
E forcuar bashkëpunimi ndërmjet organizatave të gazetarëve, mediave dhe RTM për përmirësim afatgjatë të praktikave etike
E përgatitur dhe e dorëzuar një studim për ndryshime të mundshme të Kodit të RTM, me qëllim forcimin e standardeve etike dhe profesionale dhe sigurimin e një mekanizmi formal për rekomandime nga Këshilli Programor drejt RTM

AKTIVITETET

Organizimi i 4 takimeve pune për konsultime me gazetarë dhe redaktorë për finalizimin e tekstit të Kodit
Përgatitja e versionit final të Kodit sipas sugjerimeve të marra
Përkthimi i Kodit në 8 gjuhë (përfshirë maqedonishten, shqipen dhe anglishten) për qasje më të gjerë
Shtypja dhe shpërndarja e Kodit (edhe në formë elektronike) në 150 media tradicionale dhe online
Organizimi i një eventi promovues me përfshirjen e aktorëve relevantë si: punonjës të medias, redaktorë, menaxherë, organizata profesionale mediatike, organe vetërregulluese, organizata të tjera të shoqërisë civile, si dhe përfaqësues të institucioneve, partive politike dhe komunitetit ndërkombëtar
Përgatitja e skenarëve dhe prodhimi i 15 videove të shkurtra (secila me kohëzgjatje 1 minutë) për çdo nen të Kodit të ri Etik, me fokus në rëndësinë e etikës në gazetari
Publikimi dhe promovimi i videove në platformat online (YouTube, Facebook, Instagram, etj.), si dhe ndjekja e statistikave (shikime, shpërndarje)
Përgatitja e përmbajtjeve shtesë mediatike (postime në rrjete sociale, video të shkurtra/reels) për informim mbi Kodin
Zhvillimi i programit dhe materialeve për trajnim (tema: etikë, profesionalizëm, pavarësi) dhe lidhja me Akademinë e Trajnimit për Gazetarë dhe Punonjës të Medias të SHGM (T-AJM)
Zbatimi i trajnimit për profesionistët e medias (15 pjesëmarrës – me fokus në mediat lokale)
Zbatimi i trajnimit për gazetarë/redaktorë nga RTM (15 pjesëmarrës)
Monitorimi dhe vlerësimi i trajnimeve (teste/anketa para dhe pas, certifikata të dhëna)
Rishikimi i Kodit aktual të RTM dhe identifikimi i dispozitave problematike ose të paplota
Konsultime me ekspertë të medias, gazetarë dhe anëtarë të Këshillit Programor për të marrë inpute dhe rekomandime
Përgatitja e një studimi analitik me propozime konkrete për ndryshime dhe vlerë të shtuar për pavarësinë dhe standardet etike
Dorëzimi i studimit final te Këshilli Programor dhe përgatitja e një letre zyrtare me rekomandime për RTM
Prezantim/takim pune me anëtarët e RTM për sqarim shtesë të ndryshimeve të propozuara