Instituti i Gjelbër – Shkup

Buxheti total: 2,999,983 MKD

Periudha e zbatimit: 01.01.2026 – 31.12.2026 (12 muaj)

Tema specifike: Nisma të gjelbra

Partnerë:

Shoqata e pronarëve të pyjeve private – Berovë

Përbërësit:

Qytetarë; fermerë; pronarë të pyjeve private; komunitete lokale; organizata të shoqërisë civile; autoritete lokale dhe institucione publike; institucione arsimore; media.

Për projektin e mbështetur nga Civica Mobilitas: Zero bio-mbetje: Ndryshime sistemore në partneritet me qytetarët

PËRSHKRIMI I VEPRIMIT

Veprimi është i orientuar drejt reduktimit të bio-mbetjeve dhe përmirësimit të menaxhimit të qëndrueshëm të mbetjeve organike përmes pilotimit të modeleve lokale dhe forcimit të bashkëpunimit ndërmjet qytetarëve, autoriteteve lokale dhe aktorëve relevantë. Projekti parashikon punë në terren dhe bashkëpunim me komunitetet lokale dhe komunat, vendosjen e zgjidhjeve praktike për selektimin dhe trajtimin e bio-mbetjeve, si dhe aktivitete për ngritjen e vetëdijes publike dhe promovimin e praktikave të qëndrueshme.

Në kuadër të veprimit realizohen aktivitete përgatitore, edukative dhe informuese, si dhe zhvillimi i rekomandimeve dhe modeleve që mund të aplikohen në nivel lokal. Përmes përfshirjes aktive të qytetarëve, fermerëve dhe aktorëve lokalë, projekti kontribuon në përmirësimin e praktikave dhe politikave lokale për menaxhimin e bio-mbetjeve.

QËLLIMET DHE REZULTATET

Qëllimi i përgjithshëm:
Të kontribuohet në tranzicionin drejt komunave “zero mbetje”, përmes përmirësimit sistemor të menaxhimit të bio-mbetjeve, të bazuar në të dhëna, pjesëmarrje qytetare, koordinim ndërsektorial dhe forcim të kapaciteteve institucionale, me qëllim reduktimin e ndotjes dhe rreziqeve nga zjarret në kashtë, në pyje dhe në vendbanime, rritjen e efikasitetit të burimeve dhe nxitjen e ekonomisë qarkulluese në nivel lokal dhe kombëtar.

Qëllimet specifike:

Të realizohet një analizë gjithëpërfshirëse, inkluzive dhe ndërsektoriale e krijimit dhe trajtimit të bio-mbetjeve nga amvisëritë, industria, bujqësia dhe pylltaria në 4 komuna pilot (Radovish, Kumanovë, Kavadarci dhe Berovë) nga 4 rajone planifikuese (Juglindor, Verilindor, Vardarit dhe Lindor), përmes hulumtimit të realizuar në partneritet me organizatat e shoqërisë civile dhe aktorët lokalë
Të identifikohen dhe zhvillohen modele teknologjike, financiare dhe institucionale për trajtimin e bio-mbetjeve, përmes hulumtimit bazë dhe analizës multisektoriale, konsultimeve në formë forumesh dhe studimeve para-fizibiliteti, me qëllim reduktimin e ndotjes dhe rrezikut nga zjarret
Të nxitet debat publik, dukshmëri mediatike dhe gatishmëri institucionale për menaxhim sistemor të bio-mbetjeve, përmes forumit kombëtar, transmetimit të debatit publik dhe fushatës digjitale, në partneritet me media, komuna, ndërmarrje komunale, sektorin privat dhe organizatat e shoqërisë civile

REZULTATET

Rritje e informimit dhe mobilizimit të palëve të interesuara për menaxhimin e bio-mbetjeve — organizatat e shoqërisë civile, fermerët, kapacitetet industriale, ndërmarrjet publike, ekonomitë pyjore dhe komunat janë të informuara për sasitë, përbërjen dhe rreziqet e bio-mbetjeve, si dhe për mundësitë e valorizimit të tyre në përputhje me parimet e ekonomisë qarkulluese, përmes pjesëmarrjes qytetare, koordinimit ndërsektorial dhe angazhimit partner
Modele teknologjike, financiare dhe institucionale të identifikuara dhe të prezantuara për trajtimin e bio-mbetjeve përmes katër studimeve para-fizibiliteti të përgatitura, të përshtatura për rajonet planifikuese, me opsione teknologjike, vlerësim financiar dhe modele institucionale, të zhvilluara përmes analizës multisektoriale dhe diskutimeve në forume, me potencial për forcim institucional, ekonomi qarkulluese dhe menaxhim sistemor të mbetjeve
Komunikim publik i forcuar dhe gatishmëri institucionale për menaxhim sistemor të bio-mbetjeve përmes partneritetit me media dhe organizata të shoqërisë civile, forum kombëtar i organizuar, emisioni “Top Tema” i transmetuar dhe fushatë digjitale e realizuar, duke nxitur debat publik dhe dukshmëri mediatike, duke krijuar bazë për replikimin e zgjidhjeve të përzgjedhura në nivel kombëtar, me burime të siguruara të të ardhurave dhe forcim institucional

AKTIVITETET

Analizë dhe mobilizim i palëve të interesuara për menaxhimin e bio-mbetjeve
Hartimi i palëve të interesuara përmes bazave komunale, Regjistrit Qendror dhe rrjeteve partnere, me targetim të fermave bujqësore, fermerëve individualë, kompanive ushqimore, përpunuesve të drurit dhe degëve të Pyjeve Kombëtare
Dizajnimi i dy instrumenteve: pyetësor online (Google Forms) për mobilizim kombëtar dhe pyetësor për intervista për 250 të anketuar, me të dhëna për sasi, përbërje, logjistikë dhe gatishmëri për selektim dhe investim në praktika të qëndrueshme
Trajnimi i 5 anketuesve dhe vizita në terren nga koordinatorë dhe ekspertë
Realizimi i intervistave dhe anketës online me targetim aktiv të rajoneve me përgjigje të ulët
Identifikimi dhe zhvillimi i modeleve teknologjike, financiare dhe institucionale
Përgatitja e një hulumtimi bazë për sasitë dhe përbërjen e bio-mbetjeve sipas burimeve, teknologjitë e mundshme (të decentralizuara dhe të centralizuara), analiza financiare dhe modele institucionale
Organizimi i katër forumeve rajonale njëditore në komunat pilot
Përgatitja e katër studimeve para-fizibiliteti me analizë teknike, vlerësim financiar dhe model institucional
Formulimi i rekomandimeve për replikim
Komunikim publik, dukshmëri mediatike dhe gatishmëri institucionale
Organizimi i një forumi kombëtar njëditor në Shkup
Incizimi dhe transmetimi i emisionit “Top Tema” në Telma
Zbatimi i fushatës digjitale përmes Facebook, Viber dhe kanaleve partnere