Скрининг само на хартија – Зошто жените сè уште немаат пристап до организиран, достапен и ефективен скрининг за рак на грлото на матката – Извештај од спроведениот мониторинг на Програмата за скрининг на рак на грлото на матката за 2025 година

Согласно GLOBOCAN 2022 (version 1.1) од 08.02.2024 година, податоците на светско ниво укажуваат дека ракот на грлото на матката е четврти најчесто дијагностициран рак кај жените, со 662.301 нови случаи годишно (14,1/100.000 жени), како и четврта најчеста причина за смрт од рак кај оваа популација, со 348.874 случаи годишно (7,1/100.000 жени).

Светската здравствена организација (СЗО) ја усвои Глобалната стратегија за елиминација на ракот на грлото на матката како јавно-здравствен проблем, чија главна цел е потполно спречување на појавата и смртноста од ракот на грлото на матката. Важно е да се нагласи дека преку оваа стратегија светот за првпат се обврза на елиминација на смртноста од еден вид карцином.

За да се постигне оваа цел, неопходно е да се исполнат следните услови:

• до 2030 година да се постигнат целите 90-70-90: 90% од девојчињата да бидат целосно вакцинирани со HPV вакцина до 15-годишна возраст; 70% од жените да бидат скринирани со високо ефективен тест до 35-годишна возраст и повторно до 45-годишна возраст, при што прва препорака е користење ХПВ ДНК тест; и 90% од жените кај кои е утврдено заболување на грлото на матката да добијат третман, односно 90% од жените со преканцерозни состојби да бидат третирани и 90% од жените со инвазивен карцином да бидат соодветно третирани;
• математичките модели покажуваат дека постигнувањето на целите 90-70-90 до 2030 година во земјите со низок и понизок среден приход би можело да спречи 300.000 смртни случаи до 2030 година, над 14 милиони до 2070 година и над 62 милиони до 2120 година.
• да се достигне праг од 4 случаи на 100.000 жени-години за елиминација на ракот на грлото на матката како јавно-здравствен проблем;

Скрининг само на хартија – Зошто жените сè уште немаат пристап до организиран, достапен и ефективен скрининг за рак на грлото на матката – Извештај од спроведениот мониторинг на Програмата за скрининг на рак на грлото на матката за 2025 година

This post was originally published on this site