Граѓанските организации со предлози за подобра Национална стратегија за спречување на корупцијата

byПлатформа на граѓански организации за борба против корупција

Македонскиот центар за меѓународна соработка на 21.04.2026 година организираше тематска работилница посветена на предлог Националната стратегија за спречување на корупцијата и судирот на интереси 2026-2030, како и на Акцискиот план за нејзино спроведување. На работилницата учествуваа претставници од организациите членки на Платформата на граѓански организации за борба против корупција.

Целта на работилницата беше да се разгледаат предложените документи и да се утврдат можностите за нивно унапредување, но и да се постави основа за креирање методологија за следење на спроведувањето на стратегијата.

Првиот дел беше посветен на детално разгледување и дискусија по однос на предлог Националната стратегија и акцискиот план, при што сите учесници врз основа на својата експертиза и област на делување имаа можност да дадат конкретни забелешки и предлози со цел подобрување на содржината на документите.

Вториот дел беше посветен на методологијата за мониторинг на стратегијата и нејзиниот Акциски план. Оваа методологија во иднина ќе ја користи МЦМС за следење на степенот на спроведување, ефектите и финансиските импликации од предвидените мерки и активности.

По завршување на работниот дел од работилницата, учесниците заеднички се договорија во име на Платформата да се подготви пишан документ со конкретни предлози во однос на предлог Националната стратегија и истиот да се достави до Државната комисија за спречување на корупцијата (ДКСК), со барање дадените предлози и сугестии да бидат земени предвид при изготвување на финалната содржина на овие документи. Дополнително, добиените предлози и коментари по однос на Методологијата за мониторинг ќе овозможат да се креира поефикасно и поефективно следење на утврдените мерки и активности од самиот акт.

Работилницата е организирана во рамки на програмата „Градење општество отпорно на корупција“, финансиски поддржана од страна на Европската Унија.

Оваа вест изворно е објавена на веб-страната на Платформа на граѓански организации за борба против корупција

Продолжи со читање

  • Finance Think at the Civil Society & Think Tank Forum 2026 in Prishtina

    From 5 to 7 October, the Civil Society & Think Tank Forum 2026 took place in Prishtina. As the official civil-society platform of the Berlin Process, the Forum also brought together representatives of Finance Think. Over the course of three days and through a series of thematic discussions, representatives of civil-society organisations and think tanks […]
    The post Finance Think at the Civil Society & Think Tank Forum 2026 in Prishtina first appeared on Finance Think.
    The post Finance Think at the Civil Society & Think Tank Forum 2026 in Prishtina appeared first on Finance Think.

  • North Macedonia’s Pension System Under Pressure: Reforms Could Save €5.5 Billion by 2035

    North Macedonia’s pension system is facing structural fiscal pressures that are already present rather than a matter for the distant future. The structural deficit of the Pension and Disability Insurance Fund—defined as pension expenditure, transition costs related to the second pillar and healthcare contributions, less the Fund’s own contribution revenues—reached MKD 54.4 billion, or 5.2% […]
    The post North Macedonia’s Pension System Under Pressure: Reforms Could Save €5.5 Billion by 2035 first appeared on Finance Think.
    The post North Macedonia’s Pension System Under Pressure: Reforms Could Save €5.5 Billion by 2035 appeared first on Finance Think.