Ви го најавуваме Националниот форум на Цивика мобилитас ќе се одржи на 15 ноември во хотел Александар Палас со почеток од 10:00 часот, насловен „Од граѓански активизам до општествени промени – очекувањата наспроти реалноста“.

🖐 Пријави се за учество: https://forms.gle/Rtkb5Ca3kWG53W1S8

Како главни говорници на темата поканивме поранешни граѓанските активисти кои денес преку нивните функции имаат (ин)директна моќ за донесување битни општествени одлуки за граѓанскиот сектор и граѓаните. Исто така поканивме и колеги од секторот кои во еден период беа дел од државните структури. Погледнете ја агендата.

Nacionalen Forum Visual

На форумот поздравно обраќање ќе има амбасадорката на Швајцарија во Скопје Н.Е Вероник Улман, додека настанот ќе го модерира тим лидерот на Цивика мобилитас и директор на МЦМС – Александар Кржаловски.

🖐 Пријави се за учество: https://forms.gle/Rtkb5Ca3kWG53W1S8

Како и до сега Цивика мобилитас Ви дава можност да поставите прашања до говорниците. Прашањата можете да ги испратите заедно со пријавата за учество на следниот линк не подоцна од 13 ноември (понеделник) 14:00 часот.

Преземете ја публикацијата „Главните достигнувања на програмата Civica Mobilitas 2019-2023“.

Националниот форум на Цивика мобилитас е последниот најголем настан од оваа фаза (2019-2023) на програмата, па оттука веруваме дека со Вашето учество ќе придонесете за плодна дискусија на ваква значајна тема за нас граѓанските организации.