Барање од НСРР до мандатарот Зоран Заев
Објавено: 22/05/2017
Б А Р А Њ Е
Почитуван мандатор г-дин Зоран Заев
Со оглед на тоа дека во тек е составување на идната Влада на Република Македонија, апелираме до Вас како мандатор, за почитување на Законот за еднакви можности, со кој жените со најмалку 30% треба да бидат застапени на сите нивоа и позиции. Очекуваме дека ќе ја почитувате законската обврска при изборот на министри/ерки.
Националниот совет за родова рамноправност, како организација која повеќе од 20 години работи на родовата рамноправност, бара почитување на Законот за еднакви можности со кои се гарантираат квотите од 30 – 40% рамноправна застапеност на жените на одлучувачки позиции.
Се надеваме на целосно почитување на овој Закон во Република Македонија и остварување на родовата рамноправност како демократска земја.