Слоу Фуд Битола е непрофитна, еко-гастрономска огранизација која е основана во 2011 година. Здружението брои 65 членови. За прв пат Слоу Фуд во Македонија се формира во 2008 година во која активни беа членовите и основачите од Слоу Фуд Битола. Македонските локални конвивиуми кои се дел од Националната мрежа на Слоу Фуд Македонија се истовремено и дел од Слоу Фуд Интернационалната мрежа која е развиена во 160 земји ширум светот. Слоу Фуд Битола генерално дејствува во областа за заштита, промоција и едукација за одржлива храна, работи на терен заедно со локалните производители и конзумери, организира локални евенти и кампањи за производство, преработка, дистрибуција и конзумирање на одржлива храна.
На прво место ја става заштитата на биолошката разновидност во снабдувањето со храна, поддршката и промоцијата на малите производители за кој е карактеристичен одржливиот начин на производство на храна како и локалните и автентични производи. Исто така здружението се стреми да воспостави дијалог со локалните и националните институции, но и да ги постави темелите на едукацијата за храна на новите генерации сметајќе дека на тој начин истите ќе научат да ја почитуваат и ценат традицијата, растенијата, животните, водата и плодните почви од кои доаѓа храната.

Децентрализација

Развој на граѓанското општество

Миграции

Вработување

Животна средина и природни ресурси

Заштита на потрошувачите

65

6

2015