Известувањето на медиумите за лицата со попреченост
Во медиумската сфера во Македонија во последните неколку години се случуваат големи промени. Постојано се бележи постојан пад на скалата на слободата на медиумите според оценките на релевантни и професионални меѓународни здруженија. Слободата на медиумите со години назад се наоѓа и во ѐабелешките на Европската унија во Извештајот за напредокот на Република Македонија. Постои висока
поларизираност и меѓу електронските и меѓу печатените медиуми, според нивната наклонетост кон една или друга политичка структура. Огромен дел од медиумите го имаат изгубено својот углед токму поради заземањето сервилен и непрофесионален однос кон одредени теми и случувања во земјата.