ЗДРУЖЕНИЕ ЗА УНАПРЕДУВАЊЕ НА ОПШТЕСТВЕНИТЕ И ЕКОНОМСКИТЕ ДЕЈНОСТИ- ЕРГОС СКОПЈЕ
Објавено: 02/01/2018
Здружение Ергос е самостојно здружение на граѓани и со својата работа започнува во 1998. Мисија на Ергос е да придонесе кон јакнење на граѓанското општество преку зголемено учество на граѓанскиот сектор во креирање политика и стимулирање акции.
Дејноста на ЕРГОС ја сочинуваат активности насочени кон унапредување на економското и општественото живеење на граѓаните, истражување и анализа на општествените состојби, едукација и активности во областа на социјална инклузија.
Нивната цел е да се унапреди опшественото економско живеење преку реализација на разни видови проекти, а преку тоа и да се постигне и унапредување на демократијата преку современи форми на организирање на граѓаните, испитување на јавното мислење и ставовите на граѓаните по однос на сите актуелни прашања од нивниот живот. Преку доставување и изготвување предлози и мислења до надлежни органи и организации да се постигне поефективно делување на МСП, зголемување на вработеноста и разрешување на социјалните проблеми, како и заштита на животната средина.
Конституенти
Млади луѓе од македонска и албанска националност.
Наслов
ПAРАЛЕЛЕН ЖИВОТ 18- МЛАДИ ВО АКЦИЈА
За што е потребна акцијата
Моменталната ситуација со донесување на предлог законот за двојазичност во РМ ги разгоре и така чуствителните односите помеѓу етничките заедници во државата, а поради конфликтите во минатото, треба да се работи на ова прашање за да се хомогенизираат односите во иднина и тоа преку поддршка и соработка помеѓу различни заедници. Овој проблем на омраза и дискриминација сите треба да го надминеме и да пробаме да живееме хармонично и без предрасуди.
Цели и резултати
Цел
Преку културен настан, забава и дружење на младите од различна етничка припадност да се зацврстат меѓуетничките односи во Република Македонија, како и да се утврдат темелите за одржлива мултиетничка соработка преку интеркултурно учење и комуникација меѓу младите.
Резултати
- Изработено лого, брошура, слоган за полесно препознавање на кампањата;
- Избрани две презентации и доделени награди;
- Изработена веб страна за проектот, презентирање на резултати и видливост на проектот;
- Сплотување и надминување на бариерите помеѓу етникумите преку игри и забава;
- Презентирање на резултати од анкетниот прашалник.
Активности
- Фаза на подготовка/ методологија на работа;
- Повик до невладиниот сектор за пријавување на кандидати од кои најдобрите презентации ќе бидат наградени;
- Културен настан;
- Прашалник/преглед на резултатите од настанот и кампањата.
Буџет: 198.000 МКД
Времетраење: 01.12.2017 – 28.02.2018