ЗДРУЖЕНИЕ ЗА КУЛТУРЕН И ЕДУКАТИВЕН РАЗВОЈ „КУЛ МЛАДИНА“
Објавено: 22/06/2017
Здружението за културен и едукативен развој – „Кул младина“ од Штип е доброволно, непрофитно, невладино, непартиско здружение на граѓани, формирано со слободно здружување на граѓаните заради остварување, заштита и усогласување на своите интереси и уверувања за унапредување на граѓанското општество и локалните заедници, како и заради вршење на дејности и активности за поттикнување на моралните вредности, зајакнување на меѓуетничките односи и економски развој на територијата на Македонија и пошироко, а во согласнот со Уставот и Законот. Главните цели на здружението се: -Подобрување на квалитетот на образовната подготовка на младите со цел побрзо наоѓање на работа или отворање сопствен бизнис; Зголемување на обемот и квалитетот на културните, спортските и волонтерските активности; Зајакнување на лидерството и самодовербата кај младите преку нивно вклучување во организирани форми на дејствување.
Конституенти:
Младите од општина Штип и локалната самоуправа.
Наслов
Младинска активација за локална организација
За што е потребна акцијата
Намалување на индиферентноста кај младите кон младинскиот сектор, воведување на младите во системот на општествениот сектор и промовирање на работата и начинот на функционирање на локалната самоуправа. Едукација за општествените права на младите на локално и национално ниво, промоција на административната структура на локалната самоуправа за да се зголеми учеството и заинтересираноста на граѓаните (младите) во општеството и нивната можност за донесување одлуки и влијание врз донесените одлуки од локалната самоуправа
Цели и резултати
Цел
Младите од општина Штип да бидат запознаени со процесот на донесување одлуки во локалната самоуправа.
Резултати
- Младите активно се вклучени во донесување одлуки во локалната самоуправа
- Младите ја зголемија својата проектна иницијативност кон локалната самоуправа
- Младите се запознаени и заинтересирани за учество и соработка со локалната самоуправа
- Младите соработуваат со локалната самоуправа
Активности
- Информирање на јавноста преку медиумите за проектот
- Формирање на Комисија за селекција на млади кои ќе учествуваат во проектот
- Селекција на млади кои ќе учествуваат
- Координативен состанок помеѓу соработниците и одбраните млади
- Организација на петдневна работилница/ симулација
- Реализација на реален проект кој ќе произлезе од работилницата
- Евалуација и мониторинг на проектот
Временска рамка: 1.4.2017 – 31.3.2018
Буџет: 338.107 МКД