Здружение Рурална коалиција Куманово
Објавено: 22/06/2017
Вкупен буџет: 1.900.251 денари
Времетраење: 01.05.2017 – 31.07.2018
Рурална Коалиција – Куманово како влијателна организација во Североисточниот регион активно учествува во процесите на застапување, лобирање и креирање на јавни политики преку делување на национално, регионално и локално ниво и придонесува кон постигнување на достоен социо-економски статус на руралното население во Македонија.
Мисијата на организацијата е да ги обедини земјоделците и руралното население на Република Македонија, во силна и препознатлива организација, која ќе ги штити нивните економски, социјални и културни интереси, ќе се залага за унапредување на можностите за развој на агро-бизнисот и рамномерен регионален развој на руралните подрачја во Република Македонија, и ќе влијае на политиките и стратегиите во државата, за да обезбеди поквалитетен живот за граѓаните што ги застапува.
Конституенти
Носителите на семејните земјоделски стопанства во руралните средини, факултетите за земјоделски науки, земјоделските институции и општините.
Претходно искуство
- Пазарна економија и институционални капацитети
- Законите ги има, примената ја нема!
- Мисли на пазар – не само на субвенции
За проектот поддржан од Цивика мобилитас
ЈАКНЕЊЕ НА КАПАЦИТЕТИТЕ НА ЗДРУЖЕНИЈАТА ЗА ПАРТИЦИПАТИВНО УЧЕСТВО ВО ПРОЦЕСОТ НА ДОНЕСУВАЊЕ НА ЈАВНИ ДОКУМЕНТИ И ПОЛИТИКИ ВО ЗЕМЈОДЕЛСТВОТО И РУРАЛНИОТ РАЗВОЈ
За што е потребна акцијата
Постојаното и брзо менување на законските и подзаконските акти, програмското планирање, заедничката земјоделска политика (ЗЗП) на ЕУ, недоволната комуникација со институциите, непознавањето и неискористувањето на мерките наменети за јакнење на земјоделците како поединци и на земјоделските здруженија, преголемата оддалеченост често пати од градските институции поради несоодветната инфраструктура само го отежнува функционирањето како на здружението, така и на граѓаните како поединци.
ЦЕЛИ И РЕЗУЛТАТИ
Општа цел– Создавање на цврсто и влијателно граѓанското општество преку примена на партиципативна демократија при креирање на јавни политики и одлуки во секторот земјоделство и рурален развој.
Специфична цел– Да го зголеми знаењето, учеството и вклученоста на претставниците на граѓанскиот сектор во изготвувањето на годишни програми и јавни документи на институциите за унапредување на состојбите во земјоделството и руралниот развој.
Резултати
- Поттикнат и зголемен граѓански активизам преку јакнење на човечките и организациски капацитети во секторот земјоделство и рурален развој
- Зголемено практично знаење на земјоделците за унапредување на процесот на изготвување на програми како јавни документи на институциите
- Регионално вмрежување помеѓу здруженија од различни плански региони и зајакната свест кај земјоделските претставници за потребата од заедничко делување
Активности
- Истражување и анализа на програмите за рурален развој
- Анализа на степенот на познавања на земјоделците и претставниците на здруженијата за програмата.
- Формирање на фокус групи и одржување на работна средба со секоја од групите
- Изготвување на пишани процедури и формулари за користење на средства од програмата за рурален развој
- Изработка на прирачник кој ќе има двојна намена
- Организирање и спроведување на осум обуки за лобирање и застапување
- Доработка и финализирање на граѓанска иницијатива
- Отворање на форум на веб страна
- Организирање на осум тркалезни маси со фокус групите и институциите
- Промотивна кампања
- Доставување на иницијатива до институции