Здружение за поддршка и помош на социјално исклучените и сиромашни лица ХРАНА ЗА СИТЕ – БХМ Скопје
Објавено: 02/03/2016
Како членка на асоцијацијата Европска федерација на банки за храна (ФЕБА), „Храна за сите – банка за храна Македонија – БХМ“ има мисија да се бори против гладот и недостигот од храна во РМ, со цел да придонесе во борбата на државата за намалување на сиромаштијата. Целокупното делување на организацијата е посветено на: создавање синџир од граѓани- волонтери, производители на храна, земјоделци, претставници на прехранбената и кондиторска индустрија, на супермаркетите, со чија што помош и со посредство на надлежните институции, БХМ собира, складира, евидентира и неодложно дистрибуира донирана храна наменета за финансиски немоќните и ранливи категории на граѓани.
Банката за храна е посветена на развивање политики на застапување на социјално загрозените граѓани во остварување на нивното право и основна потреба – храната. Кредото според на организацијата е: „Во коренот на долгорочното и значајно намалување на сиромаштијата лежи задачата за намалување на гладот, бидејќи, сиромаштијата води до глад, кој пак е најсуровата форма на сиромаштија.“
Конституенти
Собрание, надзорен одбор, извршен одбор и претседател, националните и локалните власти, локалните бизнис субјекти со посебен акцент на производителите и дистрибутери на храна и сопствениците на маркетите во Р.М, граѓански организации и секако медиумите.
Претходно искуство
Наслов
Храната за гладните, а нé на депонија!
За што е потребна акцијата
Ниту Македонија, ниту која било држава во светот не е толку богата за да дозволи да пропаѓа толку храна покрај гладни луѓе. Илјадници тони храна, која е добра за консумирање, секоја година завршува на депонија. Овошје и зеленчук што стоеле неколку денови, но не се расипани, млеко и месо со нивните преработки, кои се пред истекот на рокот, леб и печива, слатки, и друга пакувана храна секојдневно се исфрлаат од македонските маркети и ресторани. Многу мал дел од тие количини завршуваат кај сиромашните луѓе. Значаен и организиран систем нема, а секоја активност на хуманитарните организации се сведува на повремени акции, кога ќе се соберат доволни количини да им бидат распределени на оние кои имаат потреба од храната.
Цели и резултати
Цел
Споделување на искуството од Франција за подигање на јавната свест кај сите чинители за темите: одржливо менаџирање со храна, редуцирање на отпадот од храна, донирање на вишоците храна, како и потребата од граѓанско учество во процесите за намалување на сиромаштијата.
Резултати
- Споделено искуството на Франција (донесување на посебен Закон за донирање на храна од супер маркетите)
- Реализирани средби на „Коалицијата за борба против гладот“ со сопствениците и менаџерите на маркетите во за да обезбедат првични информации за количините фрлена храна и евентуалната согласност за донација на истата;
- Зајакнување на работата и учеството на „Коалицијата за борба против гладот“ на локално ниво;
- Изработен промотивен материјал и прашалник за обезбедување релевантни податоци за храната која се фрла или уништува;
- Изработена брошура за пристапот и начинот на реализација за нефрлање на храната;
- Подготовка за изработка на нацрт / предлог Закон и во Македонија, пандан на Францускиот.
Активности
- „Кик-оф“ средба со соработниците од „Коалицијата за борба против гладот“;
- Изготвување, печатење и распространување на промотивниот материјал со пораката на кампањата и прашалникот;
- Квантитативно и квалитативно истражување; обработка на собраните податоци потребни за кратката Анализа;
- Реализација на три еднодневни тркалезна маси во Скопје, Струмица и Битола, со претставниците од Франција (г. Араш Дерамбараш)
- Завршна конференција за планирање на последователните активности на партнерите на мрежата во правец на подготовка на нацрт – предлог Закон пандан на Францускиот.
Буџет
399.570 МКД