Институт за развојни студии – Скопје
Објавено: 02/03/2016
Институтот за развојни студии – Скопје се идентификува како: независна, непристрасна и отворена организација на граѓани кои се желни да вложат дел од себе за подобра иднина на сите. Главни карактеристики се силниот професионален интегритет, богатството на знаење и инвентивноста во пристапот, фокусот кон ефектите но и квалитетот на активностите, големата транспарентност и отчетност во работењето, а пред се одговорноста кон конституентите.
Конституенти
Граѓански активисти, борци за човекови права, сродни ГО, вработени во меѓународни организации и странски амбасади, поранешни и сегашни вработени во локалната, регионалната и националната администрација, поранешни носители на јавна функција, интелектуалци и научни работници, студенти, новинари и јавни личности.
Наслов
Креирање услови за поквалитетно и поефикасно планирање во јавниот сектор
За што е потребна акцијата
Проблемот кој се третира со овој предлог проект се однесува на квалитетот и ефикасноста на јавното планирање во земјата, како еден од главните предуслови за имплементација на концептот на добро владеење.
Цели и резултати
Цел
Kреирање услови за поквалитетно и поефективно планирање во јавниот сектор на сите три нивоа на управа (национално, регионално и локално).
Резултати
- Примарен резултат од имплементацијата на проектот е формирање на електронска библиотека на стратешки планови и нејзина лесна достапност до сите заинтересирани страни.
- Секундарни резултати предизвикани од реализацијата на проектот ќе бидат:
- Овозможување на севкупен преглед на развојните политики донесени на сите нивоа на власт;
- Подобра и поголема кохерентност помеѓу развојните политики донесени на исто и различно ниво на управа (хоризонтална и вертикална усогласеност);
- Поголем континуитет помеѓу развојните политики донесени на исто ниво на управа;
- Зголемување на квалитетот на идните стратешки планови.
Активности
- Подготвителни активности;
- Канцелариско и теренско истражување и обезбедување на усвоените стратешки планови (вклучително остварување контакти со министерства, сите локални самоуправи и сите плански региони);
- Формирање на библиотека на усвоени стратешки планови на локално, регионално и локално ниво и нејзина дигитализација;
- Каталогизација на стратегиите според географска локација и област;
- Изработка на веб портал за користење на електронската библиотека;
- Контакти со СЕП заради информирање, максимизирање на опфатот на корисници и зголемување на одржливоста на проектот;
- Промоција на библиотеката/веб порталот и ставање на располагање на сите заинтересирани страни.
Буџет
374.900 МКД