Центар за управување со промени
Објавено: 16/10/2015
Вкупен буџет: 1.800.000
Времетраење: 01.8.2015 – 31.10.2016
Здружението на граѓани Центар за управување со промени (ЦУП) е основана на 2009 г., како непрофитна, невладина организација. Организацијата работи на проекти кои имаат за цел да придонесат за развој на македонското општество и регионот. ЦУП промовира разбирање и ненасилни промени и се фокусира на меки мерки и политики кои им помагаат на различни ентитети да ги прифатат општествените промени како нормални ситуации и да ги претворат во позитивни резултати. ЦУП поддржува демократија и отворени идеи во различни сектори.
Конституенти
Генерален секретаријат на Владата на РМ, Кабинет на Премиер, СЕП, МТСП, Интер-ресорска група за родова еднаквост на Владата на РМ, МЛС, МОН, Парламентарен институт и Собрание на РМ, Агенција за слободен пристап до информации од јавен карактер, Агенција за заштита на лични податоци, ЕУ, ОЕЦД/СИГМА, НИ-КО, ЕИПА, Институт за европски политики, ГО кои се занимаваат со јавни политики, институти и граѓани.
Претходно искуство
- Подобрен регулаторен процес во Македонија (Британска амбасада Скопје)
- Градење на капацитетите за евроинтеграција (Британска амбасада Скопје)
- Градење на административни капацитети за европска интеграција (Британска амбасада Скопје)
За проектот поддржан од Цивика мобилитас
„Поголема партиципација – подобри политики и регулативи“
За што е потребна акцијата
Иницијативата има за цел да ги зајакне капацитетите на граѓанскиот сектор да делуваат како надзорни тела и регулаторен индикатор во процесот на подготовка на законски предлози преку користење на методите и алатките за ефикасна (екс-анте) оценка на влијанието на политиките (РИА) заснована на докази екс пост оценка на спроведуваето на регулативата.
Цели и резултати
Општа цел – Промовирање на принципите на добро владеење (отчетност, транспарентност, учество, ефикасност и кохерентност) преку засилено влијание на граѓанските организации (ГО) во процесот на оценка (евалуација) на јавните политики и донесување на одлуки.
Специфична цел – Јакнење на капацитетите на граѓанскиот сектор да делуваат како надзорни тела и регулаторен индикатор во процесот на подготовка на политики и законски предлози.
Резултати
- Развиени аналитички знаења и вештини на ГО за користење на методите и алатките за проценка на влијанието на регулативата и оценка на политиките.
- Подготвени две анализи/студии на случај (1 ex ante 1 ex post оценки) на политики и регулативи (закони, директиви, стратегии, подзаконски акти) во соработка со државните институци.
- Подготовен Документ за политики со наоди заклyчоци и препораки за одредени клучни политики и нивно доставување до соодветните комисии во парламентот.
Активности
- Повик до ГО да изразат интерес за учество во програмата.
- Развој на програма и материјали за обуки за методите и алатките за проценка на влијанието на политиките и оценка на политиките.
- 16 дена обука од страна на двајца експерти за процесот, методите и алатките за оценка на политиките.
- Проценка на потенцијалите, приоритетите и интересите во одреден дел од законодавството (поврзана со Националната програма за усвојување на правото на ЕУ – НПАА) кај ГО и избор на ГО кои ќе имаат капацитет да работат на интензивни анализи.
- Селекција на 2 студии на случај од различни сектори и фокусирање на неколку клучни министерства кои би можеле да имаат значителни предлози, домашни и ЕУ, кои ќе имаат корист од употребата на РИА и оценка на имплементацијата на политиките
- Менторство во спроведување на ex-post и ex ante анализите
- Редовни состаноци со претставници на релевантните министерства
- Подготовка на Документ за политики со анализа врз основа на студиите на случај од страна на граѓанскиот сектор доставена до Владата, надлежните министерства и парламентарните комисии како начин на влијание.
- Објавување и дистрибуирање на извештајот до сите релевантни актери
