Проблемот со изборните нерегуларности остави црна дамка на процесот на евроинтеграциите и несомнено се една од причините за продлабочувањето на актуелната политичка криза во Република Македонија. Договорот од Пржино кој го подржаа четирите најголеми политички партии имаше за цел надминување на критичната политичка состојба и одржување на предвремени парламентарни избори. Термините за одржување на предвремените избори беа одложени во два наврати, со причина дека е потребно да се создадат услови за нивно ефикасно реализирање.