Здружение за регионален развој БАЛКАН ЕКОНОМИК ФОРУМ
Објавено: 23/11/2017
Балкан економик форум е независно, непрофитно и невладино здружение посветено на подобрување на социјалната благосостојба, регионалната стабилност, соработка и помирување на земјите од Балканот. Нивната мисија е развој и имплементација на иновативни стратегии и креативни решенија за тековните економски и развојни, со цел да се стимулира економскиот раст и да се зајакне регионалната соработка, мир и безбедност.
За остварување на својата мисија, целите на здружението се следните:
- Унапредување на регионалниот економски развој;
- Промоција на одржлив раст на вработеноста, социо-економска стабилност и заштита на природните ресурси;
- Вклучување академици, студентски здруженија и студенти во програми кои промовираат мултикултурна соработка, академски истражувања и развој на бизнис модел за унапредување на глобалната конкурентност; и
- Меѓународно признавање на балканскиот идентитет и зачувување на своето гордо мултикултурно наследство.
Спроведувањето на целите на БЕФ се постигнува со:
- Меѓусебно поврзување на експерти од областа на индустријата, меѓународни лидери, владини претставници, академици, студенти и финансиски институции;
- Ангажирање членови кои ги споделуваат своите најдобри ресурси и експертиза преку вмрежување, размена на искуства и научени лекции;
- Промоција на Балканот на национално, регионално и европско ниво, преку зајакнување на влијанието на членовите на БЕФ во јавната политика и законодавно-правната сфера.
Конституенти
Студенти на универзитетите, компании кои соработуваат со центрите за кариера на универзитетите, министерствата за образование и наука, финансии, труд и социјална политика.
Наслов
ПРАКТИЧНА ОБУКА ЗА ПРОМЕНИ
За што е потребна акцијата
Една од клучните компонeнти на Националната стратегија за млади и Националната стратегија за вработување е прифаќањето на концептот на практична обука. Практичната обука во Република Македонија претставува концепт кој законски и теоретски не е практичен и соодвтно спроведлив.
Цели и резултати
Цел
Клучни специфични цели се:
- Да се подобри свеста кај најмалку 100 студенти од универзитетот „Св. Кирил и Методиј“ и универзитетот Американ колеџ Скопје, за очекуваните профили на работни места кои компаниите ги нудат за дипломираните студенти.
- Да се обезбеди мотивација за овие студенти преку презентирање на листа на можни активности во кои можат да се вклучат, заедно со информации за искуствата од минатото и лесно употребливи контакт информации.
- Да се одговори на нејасните и нелогичи одредби од Законот за високо образование и Правилникот за начинот и условите за организирање на практична настава на студентите преку изработка на предлог верзија на идентификуваните слабости во овие два документа од аспект на нивната примена во пракса и изработка на Предлог-договор за практична обука, со кој ќе се дефинираат законските и искуствените очекувања на студентите и компаниите.
Резултати
- Зголемена свест на дел од студентите и универзитетските центри за кариера за потребите/ очекувањата на компаниите и организациите во Македонија
- Зголемена мотивација кај студентите/компаниите преку доставување детали за дневните активности за практичната обука на студентите.
- Воведување на две практични алатки: една за употреба од страна на компаниите (урнек на договор за практична работа) и втората, работен истражувачки документ кој ќе се поднесе во Парламентот на Република Македонија.
Активности
- Дебата/работилница со целните групи на студенти
- Презентација на најмалку четири искусни НВО/младински организации
- Изработка на кратко мотивациско видео
- Изработка на урнек на договор за практична обука
- Тркалезна маса со заинтересираните страни
Буџет: 362.400 МКД
Времетраење: 1.9.2017 – 28.2.2018