ЗДРУЖЕНИЕ ЗА ДОБРОВОЛНА ВОЛОНТЕРСКА РАБОТА “КУМАНОВСКИ АКЦИЈАШИ“ КУМАНОВО
Објавено: 23/11/2017
Според определбата здружението е доброволно, невладино, мултиетничко и непрофитно здружение на граѓани од сите возрасти основано заради афирмација на традициите на работните акции, вредностите на доброволното ангажирање и волонтерската работа во сите области на општественото живеење. Основано е со идеја да ги негува традициите на доброволното работно ангажирање и да го промовира волонтерството во сите области на општествениот живот (екологија, хуманизам, образование, култура и сл.). Дава поддршка во развојот на индивидуалните способности на децата, младината и граѓаните а особено на оние со посебни потреби преку игра, неоформално образование, работно ангажирање и сл. Во изминатиот период позначајни активности се: хуманитарната акција “Биди хуман и подари“, еко проектот Еко-Куманово 2016, учество на солидарна хуманитарна работна акција во Краљево (Р.Србија) за расчистување на последиците од поплавите, активно учество во расчистување на последиците од поплавите во скопско и бројни други еко и хуманитарни акции. За својата работа Општината Куманово на здружението му ја додели Ноемвриската награда на општина Куманово за 2016 за придонесот во развојот доброволната работа за заштита и унапредување на животната средина.
Конституенти
Општата јавност.
Наслов
ЗЕЛЕНО КУМАНОВО
За што е потребна акцијата
Сите чинители на општествената заедница имаат обврска да се грижат за сопствената животна и работна средина, да придонесуваат за заштитата и унапредувањето на истата. Потребно е од морален аспект, со личен пример и дела на младата генерација да и се укаже на потребата за постоење на еколошката свест и култура како и самата грижа на нашето природно опкружување.
Цели и резултати
Цел
Целта е подигнување на свеста кај јавноста и спречување односно намалување на праксата за фрлање на отпад покрај и во речните корита.
Резултати
- Да се исчисти и уреди крајбрежјето на реките
- Јакнење на свеста и подигнување на нивото на одговорност на жителите за посовесен односот кон реките
- Едукација и промоција на заштитата на околината по пат на медиуми
- укажување на негативно влијание на неправилно одложување (фрлање) на отпадот по околината и здравјето на луѓето
- Создавање на услови за користење на крајбрежето за рекреативни активности на граѓаните
Активности
- Сечење на ниско џбунести (како и стебла кои го попречуват текот на реката и сувите стебла) во крајбрежниот појас
- Собирање на отпаден материјал
- Траснпорт на собраниот отпаден материјал
- Изградба на насипи поради можноста за поплава на околните површини за време на поројни врнежи и надојдени води
- Фарбање на клупите покрај реките Липковка (во Градскиот парк) и Кумановка (по должина на кејот кај маркетот Туш) и заменување на оштетените.
Буџет: 164.870МКД
Времетраење: 1.6.2017 – 30.9.2018