ЦЕНТАР ЗА РАЗВОЈ И ЕДУКАЦИЈА НА ОПШТЕСТВОТО ЛИБРАРИА Е ЧАРШИС СКОПЈЕ
Објавено: 23/11/2017
Здружението „Центар за развој и едукација на општеството Либрариа е чаршис Скопје“ е доброволно и независно здружение на граѓани. Основната цел на здружението е развој и едукација на општеството, како и зајакнување на демократските институции и процеси.
Посебни цели и задачи кои придонесуваат кон остварување на основната цел се: поттикнување на едукацијата на граѓаните како еден од условите за постигнување одржлив развој на општеството; подигнување на свеста и едукација на граѓаните за потребата и предностите од нивното вклучување во политичките процеси.
Здружението ги остварува своите цели и задачи преку организирање на едукативни средби, семинари, конференции како и преку остварување на соработка со други организации и здруженија од земјава и од странство, партнерства и коалиции за имплементирање на заеднички проекти, одржување на средби за разменување на мислења и идеи.
Конституенти
Директни корисници: тимот на Цивика мобилитас, добитниците на грантови и нивните партнери; Дополнителни корисници: останати апликанти, учесници и пошироката јавност.
Наслов
ЕЛЕКТРОНСКА ПЛАТФОРМА ЗА СОБИРАЊЕ И РАЗМЕНА НА ИНФОРМАЦИИ
За што е потребна акцијата
Во ерата на информатичко општество е неопходна е-Платформа преку која ќе се изврши модернизација на тековното работење на било која организација. Освен како јавен веб сајт за прикажување на информации од јавен и општ карактер е-Платформата треба да служи и како централизирано место во кое ќе биде организиран целиот проток на информации, документи и содржини во организацијата. Околу е-Платформата може да се понудат сервиси и услуги кои дополнително може да влијаат да подобрување на тековната состојба во граѓанскиот сектор и организациите во него.
Цели и резултати
Цел
Зголемување на видливоста на активностите на Цивика мобилитас, зголемена ефикасност и колаборација меѓу тимот на Цивика мобилитас и сите добитници на грантови. Изградба и одржување на електронска платформа која ќе биде централно место каде ќе се слеваат сите информации поврзани со спроведувањето на програмата Цивика мобилитас.
Резултати
- Поширока видливост на активностите на Цивика мобилитас
- Зголемена ефикасност и соработка меѓу тимот на Цивика мобилитас и добитниците на грантови
- Поттикнување на поголем развој на целото граѓанско општество како сектор и кон јакнење на самите граѓански организации
Активности
- Имплементација на функционалност за автоматско собирање и прикажување на вестите од локалните сајтовите на сите добитници на грантови на Цивика мобилитас
- Имплементација на функционалност за објавување на вести од страна на корисниците на платформата кои ќе бидат администрирани од Цивика мобилитас
- Имплементација на функционалност за автоматско известување на корисниците за новости и други активности во форма на е-билтен (newsletter)
- Имплементација на календар на настани распределени во категории со можност за пријавување на настани од самите корисници на платформата
- Имплементација на напредно пребарување во рамките на самата е-Платформа како и соодветна оптимизација со цел содржините од истата бидат високо рангирани на машините за пребарување (SEO – Search Engine Optimization)
- Имплементација на веб клипинг и следење на сите објави низ медиумите во Македонија кои се поврзани со активностите на Цивика мобилитас и добитниците на грантови
Буџет: 400.000 МКД
Времетраење: 1.9.2017- 31.12.2017