Институт за истражување на политики и добро владеење
Објавено: 16/10/2015
Вкупен буџет: 1.206.000
Времетраење: 01.8.2015 – 31.7.2016
ИПДВ е основан во 2011 година, како граѓанска организација, посветена на подготовка и промовирање на анализи, промоција на добро владеење во Македонија, преку стратешко истражување на политиките и создавање на простор за отворена дебата во општеството. ИПДВ се залага за конструктивно застапување на интер-етнички, малцински и родови прашања.
Конституенти
Млади, младински организации и младински групи, организации од граѓанскиот сектор, претставници на централната и локалната власт, маргинализирани групи, и други клучни релевантни чинители на локално или национално ниво во областа на доброто владеење, креирање политики, децентрализација, демократија и човекови права.
Претходно искуство
- Креирање на свесност за потребата од пошироко културно разбирање и граѓанско образование за жените од рурални средини во Македонија (Норвешка амбасада Скопје)
- Јавно мислење – Општина Чаир (Општина Чаир)
- Испитување на јавно мислење за процесот на децентрализација (Министерство за локална самоуправа)
- Вклучување на млади и младински организации во интер-етнички дијалог и соработка (ЦИРа и СДЦ Цивика Мобилитас)
За проектот поддржан од Цивика мобилитас
„Интер-етнички дијалог и соработка помеѓу младите во Македонија“
За што е потребна акцијата
За зајакнување на соработката помеѓу различните младински граѓански организации за остварување на позитивна општествена промена која ги одразува очекувањата, потребите и приоритетите на граѓаните.
Цели и резултати
Општа цел – Да придонесе за зајакнување на интер-културната соработка и со тоа да спречи повторна појава на етнички конфликт, да придонесе за намалување на дискриминацијата и да се промовира заштитата на човековите и малцинските права.
Специфична цел – Промовирање на дијалог меѓу млади и младински организации и други младински групи од различна етничка припадност.
Резултати
- Спроведено истражување за ставовите и практиките на интер-културна соработка помеѓу младите во Македонија;
- Организирани 4 дводневни крос-културни тренинг работилници за младински организации и други младински групи;
- Организирани 3 последователни, мултиплицирачки работилници;
Активности
- Спроведување истражување во врска со ставовите и практиките на интер-културна соработка помеѓу младите во Македонија;
- Организирање на крос-културни тренинг работилници;
- Организирање на последователни, мултиплицирачки работилници.