Филозофско друштво на Македонија
Објавено: 22/06/2017
Филозофското друштво на Македонија (ФДМ) е здружение на граѓани формирано во 1956 година чија цел е промовирање на филозофијата во Македонија и развивање на критичката мисла. Во својот сегашен облик и структура Друштвото постои од 2003 година и има реализирано голем број на проекти од областа на филозофијата, како и интердисциплинарни проекти. Во ФДМ членуваат професори од Институтот за филозофија при Филозофскиот факултет во Скопје, професори по филозофија во основното и средното образование, други професори, студенти, истражувачи, вљубеници и почитувачи на филозофијата. ФДМ од 2006 година е член на Меѓународната федерација на филозофски друштва (Fédération Internationale des Sociétés de Philosophie).
Конституенти
Средношколци, студенти, млади, наставници по филозофија и етика, истражувачи и универзитетски професори, режисери, сценаристи и филмски работници, генерална публика
Наслов
ФИЛОЗОФСКИ ФИЛМСКИ ФЕСТИВАЛ 2017
За што е потребна акцијата
Граѓанското општество во Македонија е се уште во развој и особено во ситуации на политичка криза во млади демократии како македонската, неопходно е зајакнување и охрабрување на критичката мисла, градење и негување на културата на дијалог и слободна размена на идеи, толеранција кон диверзитетот на мислења и светогледи, и инспирацијата на креативна размисла во потрагата по нови решенија на старите проблеми. Филозофскиот Филмски Фестивал (ФФФ) нуди платформа за контекстуализирање на значајни општествени и егзистенцијални прашања со публиката на оригинален и автентичен начин – преку обработката на теми од врвни филмски дела проследени од дискусии со еминентни професори, режисери и интелектуалци од Македонија и странство.
Цели и резултати
Цел
Зајакнување на критичката и креативна рефлексија преку отворен дијалог, како и развивање на свеста кај генералната публика и кај младата популација во Македонија за значајни општествени и егзистенцијални прашања, препознавајќи го значењето на силата на аргументите, идентификувањето на логичките грешки, и балансирањето на спротивставените ставови низ мирна информирана расправа како филозофски алатки кои го поттикнуваат активното граѓанство, ги развиваат демократските капацитети, и придонесуваат кон позитивните општествени промени во Република Македонија.
Резултати
- Генералната публика влегува критички во продуктивен дијалог на значајни филозофски и социјални теми и може да се изрази слободно во средина на взаемна почит и толеранција за диверзитетот на ставови и мислења.
- Зголемени капацитети за критичко и креативно размислување кај младите луѓе, средношколци и студенти кои учествуваат во проектот, и развиена свест за клучните прашања и проблеми во општеството.
- Клучни експерти и институции од земјата и странство соработуваат во заедница за унапредување на филм-филозофијата и за промовирање на придобивките од филозофската рефлексија и филмското образование пред пошироката публика во Македонија.
Активности
- Организирани проекции на 34 филмови
- Огранизиран ФФФ Караван по завршувањето на фестивалот во втората половина на април со цел децентрализација на културата од главниот град и пружање на дел од придобивките на фестивалот во четири градови на Македонија: Битола – Прилеп – Свети Николе – Штип.
- Публикација на темата „Филозофија и филм“ како производ на проектот
- Организирана проекција на „средношколска видео лектира“ за гимназиите кои учествуваат во проектот . Тема за средношколската видео лектира: „Технологијата, моќта и (само)уништувањето: можеме ли да ги контролираме ефектите од сопствените пронајдоци“.
- Организирани работилници за сценарио за млади
- Остварена соработка со гимназии, локална самоуправа, универзитети и институции од земјата кои се занимаваат со истражувања во областа на филозофијата и филмот.
- Поттикнaта меѓународна соработка преку креирање на мрежа на фестивали за филм и филозофија во Европа како основа за понатамошно развивање на образованието низ филозофијата и филмот.
Буџет: 400.000 МКД
Времетраење: 1.4.2017- 31.7.2017