Центар за одржлив развој на заедницата – Дебар
Објавено: 01/03/2016
Вкупен буџет: 4.500.089
Времетраење: 01.4.2015 – 31.3.2018
Центарот за одржлив развој на заедницата е независна, непрофитабилна граѓанска организација основанa од ентузијасти. Организацијата е правен наследник на Центарот за поддршка на НВО и е пререгистрирана во 2006 година.
Визија: Развиен активен цивилен сектор со европски вредности, кој ги следи тековните случувања во општеството, граѓани активно вклучени во донесување на политиките, и институции со добро владеење, висока транспарентност и отчетност.
Мисијата на организацијата е регионален одржлив развој преку мобилизирање на заедницата, користење на локалните ресурси и потикнување на ЕУ интеграцијата.
Стратешки цели се:
- Зајакнување на капацитетот на цивилниот сектор
- Зајакнување меѓуграничната и регионалната соработка
- Промоција на одржлива употреба на човечките, природните и културните ресурси
Конституенти
Конституентите на организацијата се членовите на организацијата, поддржувачите кои во организација гледаат партнер за решавање на одредени проблеми на граѓаните, медиумите, локалната самоуправа и училиштата.
Претходно искуство/проекти
ЦОРЗ Дебар особено внимание посветува на зајакнувањето на капацитетите на граѓанските здруженија, заедниците, подигањето на свеста на граѓаните за нивните права, и врши и притисок кон властите да ја зголемат транспарентноста и отчетноста на нивната работа. Својот граѓански ангажман го пошируваат кон промовирање и зајакнување на верската и етничката толеанција и промоцијата на Дебарскиот пример на соживот во Македонија.
Дел од спроведените граѓански иницијативи се:
- Стоп за изградбата на Луково Поле
- Денови на Француската култура во Дебар
- Мониторинг на ЕЛС на Југозападниот регион
- Одржување на младинскиот клуб
- Акции за чистење на Дебарското езеро
- Акција против екстерното тестирање
- Акција за ревитализација на градскиот парк
- Крводаритески и други солидарни акции
- Организирање на саем за промоција на традиционални производи и занаети на пограничната област помеѓу Р.Македонија и Р.Албанија